Yeremiya 32:8 - Mawu a Mulluku

⁸ Wonanko mmo Apwiya yallotelliiwa, Hanamele musuwanaaka aakaaryeryella o nthato na alonda. Olliye aallota wi, ‘Kulla emataaka o Anatoti mu ellapo ya Benjamini vawi weyaano sika oophwanella wi woopolle wi ekhalle yoohallanaawo. Sika kaadduwella wi olla tti othenga wa Apwiya.

Yeremiya 32:8 ပူးပေါင်းရင်းမြစ်များ

Yeremiya 32:7

Hanamele mwaana a Shalumu, apwiyaaka, enaaka ekoone nave ekilleella wi, ‘Kulla emataaka ya o Anatoti vawi weyaano sika oophwanella oyoopolla.’

Yeremiya 32:2

Va enthawi yeeyo akhoto a mwene a o Babiloni yaamwaapheella Yerusalemu ni misasa ddakhoto. Namallotella Yeremiya aari awallelliwe mu nthato na alonda, muwari mwa enyumba yoomwene ya o Yuda.

Yeremiya 33:1

Mawu a Apwiya yaawa waneepiilli wa Yeremiya awallelliweve mu nthato na alonda a mwene wi,

1 Mamwene 22:25

Mikaya ahaakhulla wi, “Oneerodduwella va nllapo nno onaayeewe wiipitthe mu echipinda yamuwari.”

Yohane 4:53

Attiitthinnyaayo yahuupuwella wi enthaweene yaari yeeyo Yesu aallotilleeye wi, “Mwaninyu oochira.” Sika olliye ni a munibanjani naye attheene yaakhulupilila.

Zekariya 11:11

Sika echipanganweeyo yaamalla nllapo nenno nave ookulliha enkhosa ayo yakiwehesesa yaadduwella wi ddittheddene keereemi ddaari ddoovenyera wa Apwiya.

1 Epilli 6:60

Nave ovenyera o echigawo yeeyo nlloko na Benjamini naakawelliwa Geba, Alemeti ni Anatoti ni mapurwiiwa mattheene oochihellamo eziweto. Nndda sika ddaari mizinda khumi ni ddiraru dda mabanjaalla.

1 Mamwene 2:26

Vano mwene aamulleella mullupa mukutho Abiyatara wi, “Khawe owaninyu o Anatoti vawi onaphwanella okhwa. Koma ngiwiipha veneva kaambiiwa waatukhulla nibokosi na echipangano na Apwiya Mulluku waariiwe ni attiitthaaka Davide navettho wi waahoowa nimodda ni attiitthaaka.”

Yeremiya 1:1

Alla sika mawu a Yeremiya mwaana a Hilikiya, mmodda mwa allupa mukutho o Anatoti, mu ellapo ya Benjamini.

Yeremiya 32:25

Komave naari muzindoolla ovelleelliwaka wa Ababiloni, nyu Apwiya Mulluku, mwaakilamula wi kikulle emateelle vamiitthoni va amboni.”

Yeremiya 37:12

Yeremiya aatimulla ovenyera o Yerusalemu oya o ellapo ya Benjamini wi aakhelle yoohallanaaye ya emata dda makhollwaaye.

Ezekiele 12:7

Kaheera moollikana ni mmo yakilleellelliiwa. Kaamukhumiha katundwaaka otthaana kimumaka wonanko ooyaana wuukaporoni. Misikuwa kaaphovolla esiri ni matta. Waripiiwa kaamutukhulla katundwaaka vanthurini kikhumana alliwa ekoonaka.