Yeremiya 32:5 - Mawu a Mulluku

⁵ Zedekiya aneerophariwa oya o Babiloni nave aneerokhalla wenko ophiyera kimuupuwenlle. Naari awanena mwawiidde Ababilonaayo, khapambana.’ ”

Yeremiya 32:5 ပူးပေါင်းရင်းမြစ်များ

Ezekiele 17:15

Koma mwenooyo aamuwukila mwene a o Babiloni aarumiha o Iguputo oohoollella wi yaaveke akavalo ni akhoto anchichi. Ethiyo mwene awi ddiiddo ttuupambana? Ethiyo aweera ddiiddo ttuuvulluwa? Ethiyo ttuutathilla echipangano nave yoopowe?’ ”

Yeremiya 39:7

Vano yaamukhumihamo miittho Zedekiya, emmaka ni onyolo emuyaana o Babiloni.

Yeremiya 33:5

Ababiloni enimawa wi ehelle ekhoto nave enyumba ddiwa ddineeroddalla ni mitembo dda athu ayo kawiiphalleemi moowalli ni moosha murima. Muzinda yoolla koowureya etulli ekaamba ya ddoonanara dda athwiiwa.

Yeremiya 27:22

‘Ddineerewaakhiwa oya o Babiloni nave ddineerokhalla wenko ophiyera nllapo nno kinaaddupuwelleemittho. Sika kineeroddikusa ni oddihokollosella o nipuro nenna. Mi Apwiya koollota.’ ”

Ezekiele 12:13

Koma kineeromureya nthavi nno ninaamukole. Kineeromukusella o Babiloni ellapo ya Akaldeya koma khoonaka nave anaakhwelle wenko.

Yeremiya 37:10

Naari mwagonjihalle Ababiloni attheene ayo munawaneenyuna ekhoto naarittho mwa alliwa muhanlle oophoreyave m'misasani ddiwa, alliwaayo eneerotthupulluwa ni owuhella munllo muzindaanyu.”

Yeremiya 2:37

Muneerokhumawo wenko arive muthu miwono ddiri va muru. Vawi Apwiya ahaakhoota ayo munaaroromelleenyu nave khamuphuramo ello mwa alliwa.”

Miyambo 21:30

Khaviri ezeru wiiwesesa apaalle malangizo owaapambana Apwiya.

2 Epilli 24:20

Vano munepa wa Mulluku waavollowa mwa Zekariya mwaana a Yehoyada mullupa mukutho. Olliye ahiimella variyari va athu allota wi, “Apwiya enakoha wi, ‘Ethiyo kaambiiwa tini muhiniiwellelleenyu malamulo a mi Apwiya? Khaddiweetellani phaama. Ekaamba yawi mohaahiya Apwiya, alliwattho ahuuhiyani.’ ”

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

Numeri 14:41

Koma Mose aallota wi, “Kaambiiwa tini muhiniiwellelleenyu lamulo na Apwiya vawi ddennddo kheddiworeya.

Yeremiya 32:6

Nave Yeremiya aallota wi, “Mawu a Apwiya yaawa ni miyaano wi

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yeremiya 39:5

Koma akhoto a Ababiloni yaamuthwara ophiyera yaamphara Zedekiya o matapo o Yeriko. Empharille yaamuyaana wa Nebukadinezara mwene a o Babiloni o Ribula mu ellapo ya Hamati nko yakamunlliiwa mullatwaaye.

Maliro 1:14

“Ddoolakwa ddaka aaddimaka vamodda wi ddikhalle wonanko nigoli.* Aaddimaka ni mattiiwa nave aaddimakellella munikohini mwaka wi masivaaka emalle. Apwiya aakivelleella wa athu, ayo kihinaaworeemi ollipanana.”

Ezekiele 12:12

Oohoollelliiwa aneerewiireya katundwaaye vanthurini waripa nave aneerotimulla. Aneerokhumella vasirini mvo athu yaphovollilliiwa akhuneelle owiitthoni wiwa wi ehoone nko enayiiwa.

Yeremiya 39:4

Zedekiya mwene a o Yuda ni akhotwaaye yawoonilliiwa yaathawa m'muzindani mahiiyu oweella m'matani mwa mwene ovirella va mullako wa variyari va esiri piilli nave yathawenlle o Araba.