Yeremiya 32:41 - Mawu a Mulluku

⁴¹ Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Yeremiya 32:41 ပူးပေါင်းရင်းမြစ်များ

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Amosi 9:15

Kineerewaallattho mwiillaponi mwiwa khaavo anawaatulle mu ellapo eyo kinawaavaheemi.” Mi Apwiya Mullukwaanyu, koollota.

Yesaya 62:5

Wonanko musombwe anamutthella namwalli, anaawo aallopwana eneerewuutthella weyaano. Wonanko ootthella anamuhakallallella ootthelliwa, Mulluku aneerewuuhakallallella weyaano.

Yesaya 65:19

Mwaneenaaka kineerohakallalla wunchichi ekaamba ya Yerusalemu ni athwaaye. Wenko khowa wiiweyattho winlla apaalle okhupanya.

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

Yeremiya 18:9

Emoddamoddave kapaalla waambiha apaalle okeraatthiha mutundu wa athu apaalle omwene

Deuteronomo 30:9

Apwiya eneerewuupambanihani wunchichi mu ddaweera ddanyu ddittheddene. Nave eneerodalisa ezipaso dda m'mwiillini mwanyu, ezipaso dda eziweto ddanyu ni ezipaso dda emata ddanyu. Apwiya ddineerewaaddivella wuupambanihani wonanko mmo ddaaddivellelliiwa waapambaniha makhollwaanyu.

Deuteronomo 28:63

Wonanko mmo Apwiya ddaaddivellelliiwa wuudalisani ni owaatihani, emoddamoddave yeeyo oneerewaaddivellattho wi ewoonongeni, yuuttholloseni ni wuutullani mu ellapo eyo munaawaakheenyu.

Masalimo 80:8

Mwaakhumiha mpesaanyu Israele mu ellapo ya Iguputo, mwahiikariha mitundu ddimodda dda athu wi mwaalle mpesooyo.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Ezekiele 36:36

Athu a mitundu ddimodda ayo yahanlle vakhuviru ni nyuwaano eneerodduwella wi mi Apwiya sika kamakillettho mizinda ddawoonongeya ni waallattho ddeko ddanaanweene mu ethaya yoohiyiweeyo. Mi Apwiya koollota ddenndda nave kineereweera.’

Hoseya 14:5

Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.