Yeremiya 32:38 - Mawu a Mulluku

³⁸ Enaakhalle athwaaka nave miyaano kinaakhalle Mullukwiiwa.

Yeremiya 32:38 ပူးပေါင်းရင်းမြစ်များ

Yeremiya 24:7

Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Ezekiele 37:27

Enyumbaaka eneerokhalla variyari viwa. Miyaano kineerokhalla Mullukwiiwa nave alliwa eneerokhalla athwaaka.

Masalimo 144:15

Oodalisiwa tti athu awaakhella madaliso yaalla, woodalisiwa tti mutundu ayo Mullukwiiwa tti Apwiya.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Ezekiele 36:28

Muneerokhalla mu ellapo eyo kaavahilleemi makhollwaanyu. Muneerokhalla athwaaka nave miyaano kineerokhalla Mullukwaanyu.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Yeremiya 30:22

Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Ezekiele 39:22

Waambeella nllapo nenno oya muhoollo Aisraele eneerodduwella wi mi tti Apwiya Mullukwiiwa.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Genesis 17:7

Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Ezekiele 39:28

“Sika eneerodduwella wi mi tti Apwiya Mullukwiiwa, vawi kahaarumiha wuukaporoni variyari va mitundu ddimodda nave kineerewaahokollosella attheene o ellapwiiwa woohimuhiya naari mmodda.

Deuteronomo 14:23

Vatulli viwa muye mwakhalle va nipuro nimodda nno Apwiya Mullukwaanyu yaatthoollilliiwa. Nave ezigawo ddittheddenenndda dda tirigu, vinyo ni makhura a olivi vamodda ni dda anamwani awaamba a eziweto muchelle vamiitthoni va Apwiya Mullukwaanyu. Mweereke ddenndda wi muhuddere owoova Apwiya Mullukwaanyu enthawi ddittheddene.

Yesaya 65:23

Khewa ephara mutteko nivuddo apaalle waayarella anamwani wi yoone otulli kaambiiwa enaakhalle athu oodalisiwa ni Apwiya alliwa ni edduullu ddiwa.

Ezekiele 16:60

Koma kineerewuupuwella echipangano kakeraatthihalleemi ni weyaano ovenyera enamwanaawo. Kineereweera echipangano emodda, echipangano yoohimalla.

2 Samuele 7:24

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.”