Yeremiya 32:31 - Mawu a Mulluku

³¹ Muzinda yoolla wookishiha murima ni ottatthamulla owallaaka ovenyera enthawi yawumakilliiwa ophiyera ollello. Ekaamba ya yeella, kineerowuvenyihevo vamiitthoni vaka.

Yeremiya 32:31 ပူးပေါင်းရင်းမြစ်များ

2 Mamwene 23:27

Sika Apwiya yaallota wi, “Kineerewaavenyiha athu a o Yuda vamiitthoni vaka wonanko kaavenyihelleemi Aisraele attheene. Kineerowoononga muzinda wa Yerusalemu oyo kawutthoonlleemi ni enyumba eyo kallotilleemi wi, ‘Nnddina naka ninaakhalle mwemmo.’ ”

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Yeremiya 27:10

Ennawoottotthani, adanaanyu eneerewuuvenyihani mwiillaponi mwanyu, wuuyaanani woorekama. Kineerowiikarihani nave muneerewoonongeya.

2 Mamwene 21:16

Navettho Manase aawiipha athu oohichimwa anchichi ophiyera nikhame na athwaayo naheetellella embali ddittheddene dda misewu dda mu Yerusalemu. Nndda ddahoonjerera va machimo ayo aachimwihalleeyena Ayuda vooweerihani ddoonanara vamiitthoni va Apwiya.

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

2 Mamwene 23:15

Yosiya aakumullattho nikuwa na o Betele nno Yerobowamu mwaana a Nebati, amakilleeye va nipuro noollapellamo mafano. Yerobowamooyo ahaachimwiha Aisraele ni nikuwa nenno. Yosiya aanikumulla apwesattho mallukwiiwa ni waasilla ophiyera ahaatthattusa nthupi nave ahoosattho mafano a Asherimu.

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Yeremiya 23:39

Sika mi mwaneenaaka kineerewuutukhullani wonanko katundu oollemella ni wuutathillellani woorekama. Kineerewuuvenyihanivo vamiitthoni vaka nyuwaano ni muzinda oyo kuuvahilleemini nyuwaano ni makhollwaanyu.