Yeremiya 32:24 - Mawu a Mulluku

²⁴ “Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yeremiya 32:24 ပူးပေါင်းရင်းမြစ်များ

Yeremiya 33:4

Apwiya Mulluku a Israele enallota dda enyumba dda muzindoolla ni dda mamwene a o Yuda nnddo athu yaddikumunlliiwa wi emake ddooteteza muzindooyo enthawi ya ekhoto.

Yeremiya 32:36

Athu enallota dda muzindoolla wi oneerovelleelliwa wa mwene Nebukadinezara ofookille ni ekhoto, ettalla ni mullilli. Koma Apwiya Mulluku a Israele enallota wi,

Deuteronomo 4:26

Mwaahiiwellella kinalloteeminndda, eddullu ni ellapo yavatthi sika ddinaakhalle amboni awaavaanyiha wi khemukhalla ni enthawi yoorekama mwiillaponimmo. Muneerewoonongeya attheenenyu mwiillaponi eyo eri vakhopella na Yordani eyo munaakhalleenyumo, ddawoona, muneerotthollowa.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Ezekiele 21:22

Vano mu nnattanatta naye mookhalla mpaamba wa nikhanga woolembiwa Yerusalemu. Wenko mwene anallalleya dda owiipha athu navettho okhuwa wakhoto. Aneeropanga mutthipo wawunttakella machiwi, woophittella mikhuttu ddakhoto ni omaka nttattha.

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Yeremiya 32:3

Zedekiya mwene a o Yuda sika amuwallenlle mwemmo. Mwenooyo aamukoha Yeremiya wi, “Ethiyo kaambiiwa tini onallotelleewe ddawi Apwiya enallota wi, ‘Muzindoolla kineerowuvelleella wa mwene a o Babiloni nave aneerowaakha.

Mateyu 24:35

Oddullu ni ellapo yavatthi ddineeromalla koma mawaaka khemalla.

Yeremiya 52:6

Vano va nllapo naneetthanu ni sese, mweeri waneesese wa muyakha yooyo, ettalla yunnuwalliiwa wunchichi m'muzindanimmo ophiyera wi athu kheyaarina yoocha,

Yeremiya 32:25

Komave naari muzindoolla ovelleelliwaka wa Ababiloni, nyu Apwiya Mulluku, mwaakilamula wi kikulle emateelle vamiitthoni va amboni.”

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

2 Samuele 20:15

Vano athu attheene ayo yaari ni Yowabu yaamwaapheella Shebooyo ni misasa dda akhoto mu etawoni ya Abele a o Betemaki. Yaallima mikhuttu ddakhoto ddattannya oddullu wa mpandooyo opaalla okumulla esiri ya mpanda wa etawoneeyo.

Yesaya 37:33

Apwiya Amasiva Mattheene enallota dda mwene a o Asiriya wi, Khavollowa mu muzinda yoolla khavokhamo mpaamba naari mmodda akhotwaaye eezishango khephiya vakhuviru ni muzindoolla, khewaapheella ni mukhuttu weekhoto.

Yeremiya 6:6

Apwiya Amasiva Mattheene ahaalamula mamwene mattheenaalla wi, “Uhani miteekho dda mu Yerusalemu nave muzindoolla muwumakelle mikhuttu ddakhoto. Muzinda yoolla tti woophwanella ollakiwa mooddalla ddoohoosa.

Yeremiya 20:5

Eyuuma ettheene ya m'muzindanimmu, mphuro muttheene wa muttekwiiwa, ddeko ddittheddene ddoowallamella mutengo ni eyuuma ya mamwene a o Yuda ddineerovelleelliwa wa adaniiwa. Alliwa eneerewaakha ddennddo ni oddiyaana o Babiloni.

Yeremiya 29:17

Apwiya Amasiva Mattheene enallota wi, ‘Kineerowiipha ni ekhoto, ettalla ni mullilli. Kineerewaatthattusa wonanko namukuyu awunta wunchichi, oohiphwanella omucha.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 32:5

Zedekiya aneerophariwa oya o Babiloni nave aneerokhalla wenko ophiyera kimuupuwenlle. Naari awanena mwawiidde Ababilonaayo, khapambana.’ ”

Yeremiya 32:28

Sika ekaambiiwa kinalloteemi wi kineerowuvelleella muzindoolla wa Nebukadinezara mwene a o Babiloni nave aneerowaakha.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 52:4

Sika muyakha waneetthanu ni sese wa omwene wa Zedekiya, mweeri waneekhumi, nllapo naneekhumi na mweeri, Nebukadinezara mwene a o Babiloni aawa ni akhotwaaye attheene wi ehelle ekhoto muzinda wa Yerusalemu. Nave yaawaapheella virive veko ni misasa owaaka mikhuttu ddakhoto.

Ezekiele 26:8

Athu a mizi ddawo ddoowaapheella eneerewiiphiwa vakhotoni. Eneerowaapheella ni misasa ddakhoto navettho ni malliti akhoto. Eneerotukhullella muddullu ezishango ollipana ni weyaano.

Habakuku 1:10

Ennaavevulla mamwene, ennaattheelliha oohoollella. Ennanyaambusa orive mpanda vawi enuukellella ethaya yoowellavo wi yaakhe muzindiiwa.

Ezekiele 4:2

Owaapheelle muzindooyo ni ddeko ddakhoto monga nttattha, esiri, misasa ni ddookumullella.

Ezekiele 21:27

Woonongeya! Woonongeya! Muzinda oneerewoonongeya koma kheddeereya ophiyera oowaakhella aphiyalle.’ Vano kineerovelleella wa olliye.”