Yeremiya 32:19 - Mawu a Mulluku

¹⁹ Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Yeremiya 32:19 ပူးပေါင်းရင်းမြစ်များ

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Yesaya 28:29

Ezeru ddenndda ddinavenyera wa Apwiya Amasiva Mattheene. Malangizwiiwa tti oottikhiniha nave ezeru ddiwa tti ddoopambana.

Masalimo 62:12

Navettho nyu Apwiya, echikondaanyu tti yoohisintheya, nyuwaano munnamuhokollosella muthu moollikana ni mitteko ddaye.

Yawuupullulla 22:12

Yesu anallota wi, “Ngiiwellani! Kinimawa veneva! Kineerowaana ddoothuva ddaka wi kivelleelle wa athu attheene moollikana ni mitteko ddiwa.

Yeremiya 16:17

Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.

Yobu 34:21

Miitthwaaye eri va ettilla dda muthu, annawehesesa meetellwaaye mattheene.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yohane 5:29

Nave eneerokhumamo mu mahame mwiwa. Ayo yeerille ddaphaama eneerovenyihiwa wa ookhwa nave yaayo yeerille ddoonanara eneerovenyihiwa wi yeeruziwe.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Yesaya 40:13

“Ethiyo analamulella maganizo a Apwiya ttaani? Ethiyo ttaani anaawore omulangiza?

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Miyambo 5:21

Vawi ettilla dda muthu ddiri vamiitthoni va Apwiya. Ennoonesesa misewu ddaye.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

1 Mamwene 8:32

vaavo nyu mwiiwe oddullunko nave mweerevo ello ni oweeruza oorumeyellaanywaayo. Oochimwa mukamulle wi tti oolakwa nave mumullake moollikana ni ddoolakwa ddaye. Koma oohichimooyo mukamulle wi khanna mullatu nave mumuvahe oolungama moollikana ni echilungamwaaye.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Yobu 34:11

Annamuhokollosella muthu moollikana ni mitteko ddaye, annammorihella muthu moollikana ni meetellwaaye.

Miyambo 8:14

Kookhalla ni malangizo ni odduwella, wiiwesesa ni masiva.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Daniele 2:45

Nngu sika ottaphullella wa nlluku nne moonilleenyu nakurumuwalle ovenyera omwaangoni, nihittannyiwe ni muthu nave ninyenya mukoko, mukuwa, olloko, siliva ni golide. Nyu amwene, Mulluku amasiva ohuudduwellihani ddamuhoollo. Ollohanngu tti woosimikizeya nave ottaphullellanngu tti wawoona.”

Masalimo 92:6

Muthu oohikhalla ni ezeru khanadduwella, muthu ookarangeya khaniiwesesa ddenndda.

Masalimo 111:2

Mitteko dda Apwiya tti dduullupalli, attheene oohakallallana ennaddiganizera.

Yesaya 59:18

Apwiya eneerewaallaka adaniiwa moollikana ni ddaweera ddiwa. Eneerewooniha owalli wa owaawukila nave eneerewaahokollosella ddoonanara adaniiwa vawi eneerewaallaka naari ookhalla mu ellapo ddawoorekama.

Yeremiya 25:14

Alliwa enaakhalle akaporo a mitundu ddinchichi dda athu ni mamwene oovuwa. Sika kineerewaahokollosella moollikana ni ddaweera ddiwa ni mitteko dda mattiiwa.”

Zekariya 9:1

Alla tti mawu oovenyera wa Apwiya oohumullulla ellapo ya Hadraki ni muzinda wa Damasiko. Khe mallokove a Israele eri ayiwa komattho