Yeremiya 32:10 - Mawu a Mulluku

¹⁰ Kaamusayina kalata, kimmarella vamiitthoni va amboni nave kaalinga makobiri va sikelo.

Yeremiya 32:10 ပူးပေါင်းရင်းမြစ်များ

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Yeremiya 32:12

Makalataayo kahaavelleella wa Baruki mwaana a Neriya, edduullu ya Maaseiya, vamiitthoni va Hanamele musuwanaaka ni va amboni ayo yasayinellena makalataayo vamiitthoni va Ayuda attheene ookhalla mu nthato na alonda.

Yeremiya 32:25

Komave naari muzindoolla ovelleelliwaka wa Ababiloni, nyu Apwiya Mulluku, mwaakilamula wi kikulle emateelle vamiitthoni va amboni.”

Yesaya 44:5

Mmodda aneerollota wi, ‘Miyaano kiri a Apwiya,’ mmoddattho aneeroddeesa a athu a Yakobo, mmoddattho aneerolemba va nnatta naye wi, ‘A Apwiya,’ aneerewiiromolla a athu a Israele.”

Yobu 14:17

Ddoolakwa ddaka ddineerokhululukiwa, machimwaaka mattheene muneerewaakhuneella.

Deuteronomo 32:34

“Ethiyo kheddinasungeya mwa miyaano, ni wiipittheya vatthivatthi va murimaaka?

Yawuupullulla 9:4

Ddaalleelliwa wi ddihoononge munyepu apaalle miteekho apaalle erive yoomella. Koma ddahaakhullelliwa wi ddiwoononge athu yaayove ehinna echidindo ya Mulluku va eyuuchi viwa.

Yawuupullulla 7:2

Nave kaamoona mungelo mmodda avenyeraka wookhuma nndduwa akusalle echidindo ya Mulluku Ookumi. Aakhuwa moowelliha mawaaye wa angelo asesaalle ayo yavahiwe masiva ni Mulluku wi yoononge ellapo yavatthi ni enyanja.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

2 Akorinto 1:22

vookeraatthihani echizindikirwaaye va hiyaano navettho voohiyani Munepa Waweella m'mirimani mwahu wonanko echikole.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Yohane 3:33

Koma Oyo anaakhullella ombonaaye annasimikiza ni yeella wi Mulluku tti awoona.

Daniele 8:26

Nndde woonilleewe dda otthaana ni mahiiyu tti ddawoona. Koma osunge moovittheya ddenndda vawi vineerovira mallapo ddihineereye.

Yesaya 30:8

Mulluku aakilleella wi, “Lemba ddenndda va sileti alliwa yoonaka nave waddilembettho mu nibukhu wi muhoollo ddikhalle omboni woohimalla.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

Yoswa 18:9

Sika athwaayo yaatimulla yeeteeta mwiillaponimmo, yayilemba munibukhuni erive etawoni, ezigawo dditthanu ni piilli ehokollweella wa Yoswa omisasani dda o Shilo.

Mateyu 27:66

Sika yaayo yaayaawo yallipiha owalla nihamenno, ehiyavo echizindikiro vanllukunimvo. Yeerille ddiiddo yahaahiyavo oowehera.

Genesis 23:16

Abrahamu ahaakhullella nave vamiitthoni va athu attheene a o Hiti aheerengella makobiri a siliva 400 ayo Efuroni aromonlleeye moollikana ni makobiri ayo athu amalonda yapharihiiwa mutteko mwiillaponimmo va enthawi yeeyo.

Genesis 23:20

Sika emateeyo ni nikhungu nnddo khalle ddaari dda Ahiti, nipuro nittheenenno naakullihiwa wa Abrahamu wi nikhalle mahame.

Rute 4:1

Bowazi aaya akeraatthi vatthi vanipuroni nootthukumanellavo vamullakoni va etawoneeyo. Vano aamoona mbalaayembalaaye amwaakaayoolle aphiyaka. Sika Bowazi aamulleella wi, “Mukhwaaka ngahapuwella wuno, okeraatthi mva.” Muthoolle aahapuwa akeraatthi.