Yeremiya 31:7 - Mawu a Mulluku

⁷ Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yeremiya 31:7 ပူးပေါင်းရင်းမြစ်များ

Yesaya 37:31

Athu a Yuda ayo enaahalle ddineeroweetella phaama wonanko ddoomella dditthipenlle misisi ddiwa vatthi ni wimma ezipaso.

Masalimo 28:9

Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.

Masalimo 14:7

Ovullusiwa wa Israele ophiye ovenyera o Ziyoni. Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Aroma 11:5

Sika emoddamoddave yeeyo, muttano Mulluku ohaavaha echisomo Aisraele amodda ayo iitthoollelleeye wi ekhalle oomuthwarellellaaye.

Aroma 9:27

Nave Yesaya aanakhuwa dda Israele wi, “Naari athu a o Israele tti anchichi wonanko mihava dda onyanja nave oohalla ooyevave sika enaavullusiwe,

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

Ezekiele 6:8

Koma amodda mwa nyuwaano kineerewaahiya ni okumi. Eneerovulluwa o ekhoto nave kineerewaapallallesella o ellapo ddimodda variyari va mitundu ddimodda.

Yesaya 61:9

Aniiwa eneerodduwanyeya variyari va mitundu ddimodda, edduullu ddiwattho ddineerovuwa variyari va athu attheene. Arive muthu oowoona aneerowella wi tti athu oodalisiwa ni Apwiya.”

Yesaya 44:23

Nyu ddamuddullu, ipani moohakallalla vawi Apwiya aaphara mutteko. Nyu mapuro oowallamella a ellapo yavatthi, khuwani! Nyu miyaango, ambeellani machipo! We otthako ni miteekho ddawo ddittheddene. Ipani kaambiiwa Apwiya aamoopolla Yakobo, yohooniha ntitimiho niwa mwa Israele.

Yesaya 37:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Masalimo 106:47

Nyu Apwiya Mullukwaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Masalimo 69:35

Mulluku aneeromuvullusa Ziyoni, aneeromakattho mizinda dda Yuda. Athwaaye eneerokhalla wenko, enaakhalle ellapwiiwa.

Masalimo 67:1

Nyu Mulluku, muneerelle echifundo nave munidalise, ekhovaanyu eniwalelle.

Deuteronomo 32:43

“Ariiheni athu a Apwiya, nyu mitundu dda athu. Apwiya ennaallaka attheene oowiipha athwiiwa, ennaahokollosella adaniiwa, ennavenyiha nichimo mwiillaponi mwa athwiiwa.”

Deuteronomo 28:13

Apwiya Mullukwaanyu eneerewuutthattusani muru ohiri mwiilla variyari va mitundu dda athu. Munaakhalleke avaddullu ohiri avatthi mwiiwellella ni othwara moororomelleya malamulwiiwa kinawinnyeemini ollellwaalla.

Yeremiya 3:23

Khenaaphunrevo ello voollapellani va asimiyaango, vaweerani mutetho omiyaangoni khonna mutteko. Ddawoona, Apwiya Mullukwaahu sika ovullusa wa Aisraele.

Yeremiya 20:13

Muwiipelle nchipo Apwiya, mwaatitimihe alliwa vawi ennaavullusa oohoowa wa adaniiwa.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Masalimo 126:2

Naattheya wunchichi, nahiipa ellullu moohakallalla. Mitundu ddimodda dda athu ddaallota wi “Apwiya yaaweerella dduullupalli.”

Yesaya 52:8

Ngiiwani, alondaanyu ennawelliha mawu, eniipa vamodda moohakallalla vawi ennoona ni miitthwiiwa Apwiya ehokollweellaka o Ziyoni.