Yeremiya 31:18 - Mawu a Mulluku

¹⁸ “Koomwiiwa Efuremu inllaka mweethakaraka wi, ‘Nyu moonillaka, ddawoona, noollakiwa wonanko musaanaang'ombe oohihuddihiwa. Munihokollose wi niwore ohokollowa vawi nyu tti Apwiya Mullukwaahu.

Yeremiya 31:18 ပူးပေါင်းရင်းမြစ်များ

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Masalimo 80:3

Nyu Mulluku, nihokolloselleni mwakhalle niwalihelleni ekhovaanyu wi nivulluwe.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Yobu 5:17

Oodala tti muthu oyo Mulluku anamuhumullulla. Sika ohivevulle aawuullakaka Amasiva Mattheene.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Luka 15:20

Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Maliro 5:21

Nyu Apwiya, nirukunusellenittho wa nyuwaano! Nirukunusellenittho wa nyuwaano wi nihokollweelle mwakhalle.

Yeremiya 17:14

Nyu Apwiya, kichiriheni nave ddawoona kineerochira. Kivulluseni nave ddawoona kineerovulluwa ddawoona. Nyu tti oyo kinamuthokozeemi!

Masalimo 94:12

Nyu Apwiya, oodala tti muthu oyo munamulangizeenyu, oyo munamuhuddiheenyu malamulwaanyu.

Masalimo 80:19

Nyu Apwiya Mulluku Amasiva Mattheene, nihokolloselleni mwakhalle niwalihelleni ekhovaanyu wi nivulluwe.

Masalimo 80:7

Nyu Mulluku, nihokolloselleni mwakhalle niwalihelleni ekhovaanyu wi nivulluwe.

Masalimo 32:9

Muhikhalle athu ookarangeya wonanko kavalo apaalle bulu, oyo anookollelliwa ni mukoko wa muwano owaaka mukwe va muru, kaambiiwa waaheera ddiiddo khiiwellella.

Aheberi 12:5

Ethiyo mootiwalla mawu oollipiha murima a Mulluku uuhuddihalleeyeni nyuwaano wonanko anaaye wi, “Mwanaka ohinavevullaka ollaka wa Apwiya apaalle otathilla murima yaawuuhumullullaka?

Afilipi 2:13

kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

Luka 1:17

Aneeroowa vahoollo va Apwiya, mwa munepa ni mwamasiva a namallotella Eliya. Aneerowaattaniha makhollo ni aniiwa nave aneerewaarukunusa mirima athu oohiiwellella wi ekhalle ni ezeru wonanko dda athu oolungama. Aneeroweeriha athu wi yaakhozekelle Apwiya.”

Malaki 4:6

Aneerowaattaniha makhollo ni aniiwa wi kihiwe ni woononga ellapwaanyu.”

Zefaniya 3:2

Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Hoseya 10:11

Khalle Efuremu aari wonanko eng'ombe yoohuddihiwa phaama eyo yamuuputhesa tirigu. Vano mu nikohi niwa nooreera koohiyamo nigoli.* Kinapaalla wi Yuda atipuleke nave Yakobo apweseke mallokotomwa.

Hoseya 4:16

Aisraele tti eetiyamaaru wonanko asaanaang'ombe. Ethiyo Apwiya ttuuwaachiha wonanko asaanaankhosa va munyepu waphaama?

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Yesaya 53:7

Athu yaamuhoosa ni omupana, koma olliye khaallotille ello. Wonanko enkhosa yookusiwa wi yiiphiwe, wonanko mwaanaankhosa oomaalleya voomuchemani, olliye khaawakhunlle ello.

Yesaya 51:20

Anaawo aakomowa, eri millumillu va misewu ddittheddene wonanko mphoyo ookoliwa munthavini. Wohaamorella osha murima wa Apwiya, ohumullulla wa Mullukwiiwa.

Yesaya 1:5

Ethiyo munaavirellelle ollakiwa ni ohihiya owukila ophiyera niini? Arive muthu muru onimamvoreya nave murimaaye woofooka.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Miyambo 26:3

Ekopo tti yoomuwashullella kavalo nave mukoko tti wa muwano mwa bulu emoddamoddave yeeyo muwashullo vamutthanani va muthu ookarangeya.

Miyambo 3:11

Mwanaka ohinavevullaka ollaka wa Apwiya naari otopa ni ohumullulla wiwa.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

Masalimo 85:4

Nyu Mulluku oonivullusaahu, munihokolloselle mwakhalle, munivenyihelle osha murima wanyu.

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Numeri 2:18

“Enaakhalle woovollowa nndduwa ekhalle ayo eri ni embendela ya misasa dda nlloko na Efuremu milloko milloko. Oohoollella a nlloko na Efuremu tti Elishama, mwaana a Amihudi,

Masalimo 118:18

Apwiya yaakillaka mwawoopiha, koma kheyaawaakhullelle wi kikhwe.

Masalimo 119:67

Kihinaambe ollakeya kaanahollowa, koma vano kinniiwellella mawaanyu.

Ezekiele 20:43

Wenko muneerewuupuwella makhallellwaanyu oonanara ni ddoonanara ddanyu ddittheddene mwiiripihalleenyuna. Nave muneerewiisimwella nyookha ekaamba ya ddittheddene nnddo mwaddeerilleenyu.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.

Yona 3:10

Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.

Malaki 3:16

Vano athu oowoova Apwiya yahaamba okambirana nave Apwiya yahaapella maaru ni wiiwa. Vamiitthoni viwa vaakhalla nibukhu na yawuupusella mmo mwalembiwe manddina a athu oowoova ni waavaha olemu.

Masalimo 31:15

Mallapwaaka eri m'mattani mwanyu. Kivulluseni wa adanaaka ni wa ookihoosa.