Yeremiya 31:12 - Mawu a Mulluku

¹² Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yeremiya 31:12 ပူးပေါင်းရင်းမြစ်များ

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Yohane 16:22

Vano nyuwaano munnakhupanya koma kineerowoonanittho nave mirima ddanyu ddineeroddalla ni ohakallalla. Nave khaavo anawaakheni ohakallalla wanyunko.

Ezekiele 17:23

Kineerowaalla vamwaangoni woorekamesesa wa o Israele. Oneerophuwa ni wimma ezipaso. Sika oneerotthattuwa mukunguza waphaama. Epallame dda mitundu ddittheddene ddineerokhalla mu muuthuuchi ni enthambi dda muteekhooyo.

Yesaya 65:19

Mwaneenaaka kineerohakallalla wunchichi ekaamba ya Yerusalemu ni athwaaye. Wenko khowa wiiweyattho winlla apaalle okhupanya.

Yesaya 60:20

Nndduwa nawo khaniwa nivollowattho, mweeraawo khowa othiimattho. Apwiya sika enaakhalle owala wawo wa enthawi yoohimalla, mallapwaawo awinlla eneeromalla.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Masalimo 130:4

Koma nyu, munnakhululuka, wi mooviweke.

Ezekiele 20:40

Ddawoona, Aisraele attheene eneerokirumeyella mwiillaponi mwiwammo o mwaangwaaka waweella, mwaango woorekama wa o Israele. Wenko kineerowaakhullella nave kineerotiyerella ddoovelleella ddiwa ni emphaso ddaphaama ddiwa vamodda ni ddeko ddiwa ddoopatuleya.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Yesaya 1:30

Vawi munaakhalle wonanko muteekho wa muthundu woonyaalla makukhu apaalle emata yoohikhalla ni maaddi.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yeremiya 3:14

“Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yeremiya 31:24

Athu eneerokhalla o Yuda ni mizinda ddaye, oollima ni abusa ni enkhosa ddiwa.

Yeremiya 31:25

Kineerewaahihimulla athu oofooka nave athu eettalla kineerewaachiha ophiyera evonne.

Yeremiya 32:15

Apwiya Amasiva Mattheene, Mulluku a Israele, ellotille wi eneerophiya enthawi mvo athu enaakullekiiwa enyumba, emata ni miteekho ddampesa mu ellapo yeella.’ ”

Yeremiya 33:12

Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Yeremiya 33:13

O mizinda dda omiyaangoni, dda omataponi, dda omwera, dda o echigawo ya Benjamini, dda o echigawo yawaapheella Yerusalemu ni o mizinda dda Yuda enkhosa ddineeroyattho vamiitthoni va muthu ooddeerengella. Mi Apwiya koollota.”

Ezekiele 34:14

Kineerekoddichihella o mapuro aphaama nave ddineerekocha munyepu wooneneviha o miyaango ddoorekama dda o Israele. Wenko ddineerewiithuuwa o mapuro a munyepu waphaama. Ddineerophwanya mapuro aphaama o miyaango dda o Israele.

Hagai 2:19

Khamunna yoocha yinchichi mukhokweni mwanyu naari ezipaso ddampesa, ddanamukuyu, ddamakangaza navettho dda olivi khaddinimme. Koma waambeella ollello kineerewuudalisani.”

Yesaya 52:8

Ngiiwani, alondaanyu ennawelliha mawu, eniipa vamodda moohakallalla vawi ennoona ni miitthwiiwa Apwiya ehokollweellaka o Ziyoni.

Ezekiele 36:30

Kineerewimmiha miteekho ezipaso ddinchichi nave ethaya eneerokhumiha ddoohata ddinchichi sika wi khamuwa muvevuwattho ekaamba ya ettalla variyari va mitundu ddimodda

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.