Yeremiya 30:8 - Mawu a Mulluku

⁸ Apwiya Amasiva Mattheene eni, “Nllapo nenno kineerewinttaka nigoli* nookaporo munikohini mwiwa ni ophadda onyolo wowaamaka. Aisraele khekhallattho akaporo a alleto.

Yeremiya 30:8 ပူးပေါင်းရင်းမြစ်များ

Ezekiele 34:27

Miteekho ddineerewimma nave ethaya eneerokhumiha ddoohata. Vano athu eneerokhalla mwamurendelle mwiillaponi mwiwa. Eneerodduwella wi mi tti Apwiya kinttaka magoliiwa ni waavullusa wa ayo yaaphanre okaporo.

Nahumu 1:13

Sika kineerewinttaka nigoli* mu nikohi mwanyu, kineerophadda onyolwaanyu.”

Yeremiya 27:2

“Kusa mikwe ddanttapara ni nigoli* namiteekho wiimakellelle munikohini mwawo.

Yesaya 9:4

Vawi mohunttaka nigoli* niwa noollemella, ekopo yuukuthelliiwa mathuriiwa, miwashullo dda athu owaahoosa wonanko mweerelleenyu vawaagonjihani Amidiyani.

Yeremiya 28:10

Sika namallotella Hananiya aavenyihamo nigoli munikohini mwa Yeremiya aninttaka.

Yeremiya 28:13

“Khawe wamulleelle Hananiya mawu a Apwiya wi, ‘Winttakille nigoli namuteekho, munipuroni mwiwa kinaahiyemo nigoli namukoko.’ ”

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yeremiya 25:14

Alliwa enaakhalle akaporo a mitundu ddinchichi dda athu ni mamwene oovuwa. Sika kineerewaahokollosella moollikana ni ddaweera ddiwa ni mitteko dda mattiiwa.”

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yesaya 14:25

Kineerowoononga Aasiriya mu ellapwaaka nave kineerewaanyingallella va miyaango ddaka. Sika athwaaka kineerewaarulla nigoli* nno Aasiriya yaawarihalliiwa, katundu oollemella va mathuriiwa.

Yesaya 10:27

Nllapo nenno kineerewuurullani katundu a Aasiriya va mathurini vanyu ni nigoli* niwa munikohini mwanyu nave nigolinno nineerewunttakeya ekaamba ya oneneva.”

Yeremiya 28:4

Kineeromuhokollosellattho wuno Yehoyakini mwaana a Yehoyakimu mwene a o Yuda vamodda ni akaporo attheene oovenyera o Yuda ayo yapharelliwe o Babiloni. Vawi kineerewinttaka nigoli nookaporo na mwene a o Babiloni. Mi Apwiya koollota.’ ”

Masalimo 107:14

Apwiya yahaakhumiha athwaayo mu epiphi ni omuuthuuchini wa okhwa, yaaphadda onyolwiiwa.

Ezekiele 30:18

O Tehafinehesi oneerokhalla epiphi kaamallihaka masiva a Iguputo. Vano wiitukhulla waye oneeromalla, mirapo ddineeromuhuruwella nave ookhalla m'mizi ddaye eneerophariwa okaporo.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Yesaya 14:3

Apwiya eneerewuuvumihani o ddoowaawa, ddoohoosa ni mitteko ddootopiha nnddo athu yuuphariheewani.