Yeremiya 30:3 - Mawu a Mulluku

³ Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yeremiya 30:3 ပူးပေါင်းရင်းမြစ်များ

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yeremiya 16:15

Koma eneereke wi, ‘Vamiitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

Ezekiele 20:42

Vano muneerodduwella wi mi tti Apwiya, vawuuhokollosellani o ellapo ya Israele, ellapo eyo kallupenlleemi wi kaavahe makhollwaanyu.

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Zefaniya 3:20

Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Aheberi 8:8

Koma Apwiya aawoona athwaaye wi aachimwa allotilleeye wi, “Mallapo enimawa, enallota tti Apwiya, awi kineerokeraatthiha echipangano yanaanweene ni athu a o Israele ni a o Yuda.

Yowele 3:1

Apwiya enallota wi, “Enthawi yeeyo kineerewaahokollosella ddaphaama athu a o Yuda ni a o Yerusalemu.

Ezekiele 36:24

Kineerewuukhumihani variyari va mitundu ddimodda, kineerewuutthukumanihani ovenyera o erive ellapo nave kineerewuuhokollosellani mu ellapwaanyu.

Masalimo 53:6

Ovullusiwa wa Israele ophiye ovenyera o Ziyoni, Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Luka 21:6

“Ddittheddene munooneenyundda, mallapo eneerophiya awi khavikhalla nlluku naari nimodda va nikhwaaye nihinaamorihiwe.”

Luka 19:43

Enthawi eneerophiya yawi adanaawo eneerokata malliti moowaapheella nave eneerewaapheella embali ddittheddene.

Luka 17:22

Vano aallota wa oohudderaaye wi, “Enthawi enimawa munaapaallekeenyu woona nimodda na mallapo a miyaano Mwaana a Muthu koma khamuwa moona.

Ezekiele 47:14

Ellapweella muyikawene moophwanaphwana kaambiiwa kaallupella wi kineeroyivaha wa makhollwaanyu nave enaakhalle yoohallanaanyu.

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Yeremiya 31:38

Apwiya enallota wi, “Enthawi enimawa mvo miyaano Apwiya kinaamakelliweemi muzinda waambeella o nttattha na Hananele ophiya o mullako wa Ekona.

Yeremiya 31:31

Apwiya enallota wi, “Mallapo enimawa mvo kinaakeraatthiheemi echipangano yanaanweene ni athu a o Aisraele ni a o Yuda.

Yeremiya 31:27

Apwiya enallota wi, “Enthawi enimawa mvo kinaadaliseemi ellapo ya Israele ni Yuda ni athu anchichi nave ni eziweto ddinchichi.

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yeremiya 27:22

‘Ddineerewaakhiwa oya o Babiloni nave ddineerokhalla wenko ophiyera nllapo nno kinaaddupuwelleemittho. Sika kineeroddikusa ni oddihokollosella o nipuro nenna. Mi Apwiya koollota.’ ”

Yeremiya 27:11

Koma orive mutundu anaakhullelle nigoli na mwene a o Babiloni ni omurumeyella kineerewuuhiya mwiillaponi mwiwa wi ollima ni okhalla mwemmo. Mi Apwiya koollota.”

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Ezara 3:12

Koma anchichi a allupa mukutho, Alevi, oohoollella a mabanja navettho attekweene ayo yoonille enyumba wawaamba yahinlla mookhuwa yoonilliiwa matthipello a enyumba emakiwakattho naarive anchichi yakhuwaka moohakallalla.

Ezara 3:8

Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Ezara 3:1

Mweeri waneetthanu ni piilli waphiyalliiwa nave Aisraele eri mumapuroni mwiwa athu yaatthukumana mu Yerusalemu ni yoolinga emodda.

Deuteronomo 30:3

Sika Apwiya Mullukwaanyu eneerewuuhokollosellani ddaphaama ni oweerellani echifundo. Eneerewuutthukumanihani ovenyera wa mitundu ddimodda dda athu nko yuupallalleselliiwani.

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Deuteronomo 30:5

Eneerewuuvelleellani o ellapo eyo makhollwaanyu yaakhilliiwa khalle wi nyuwaano muyaakhettho. Nave eneerewuuvahani eyuuma yawaata ni wuuruuwihani wunchichi okhwaranya mmo yakhallelle makhollwaanyu.

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Yeremiya 30:4

Apwiya enallota ni Aisraele ni Ayuda attheene wi,

Yeremiya 31:16

Koma Apwiya enallota wi, “Maalla winllanko, hiya omoriha miitthori. Vawi oneerothuviwa moollikana ni mitteko ddawo, anaawo eneerokhumawo o ellapo ya adani.

Yeremiya 51:60

Yeremiya aalemba mu nibukhu dda woonongeya nko onaamooneyelle Babiloni ni ddimodda ddittheddene.

Masalimo 126:4

Nyu Apwiya, nihokolloselleni ddaphaama, nikhalle wonanko mihinje dda muchipululuni.

Ezekiele 34:13

Kineeroddikhumiha variyari va mitundu dda athu, kineerodditthukumaniha ovenyera o ellapo ddimodda nave kineeroddihokollosella o ellapwiiwa. Kineerekoddichiha o miyaango dda o Israele vakhuviru ni mihinje ddiwa ni mapuro mattheene aphaama nko onakhalla athu.

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.