Yeremiya 30:24 - Mawu a Mulluku

²⁴ Owalli wa Apwiya khowa ovenyavo ophiyera omallihalle weera ddittheddene nnddo murima wa Apwiya onapaalliiwa. Mallapo enawaayo athu a Apwiya eneerewiiwesesa ddenndda.

Yeremiya 30:24 ပူးပေါင်းရင်းမြစ်များ

Yeremiya 23:20

Owalli wa Apwiya oneerovirellella ophiyera yeerille ddittheddene nnddo yasimikinziiwa m'murimani mwiwa. Nave muneeroddidduwella phaama ddenndda mallapo amuhoollo.”

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Ezekiele 38:16

Oneerowa wi ollipane ni athwaaka Aisraele wonanko ephevo yuullupalli yoohuruwella ellapo. Mallapo yaayo kineerowaambaniha ni ellapwaaka wi athu a mitundu ddimodda ekidduwelle mvo kinaawoonihelleemi weella waka va nnddo kinaaweerelleemi, we Gogi.’ ”

Yeremiya 4:28

Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Yeremiya 48:47

Komave mallapo a muhoollo Apwiya eneerohokollosellattho murendelle wa Mowabu.” Nndda sika ellotille Apwiya dda nnddo ddinaamweereyelle Mowabu.

Yeremiya 4:8

Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Yesaya 46:11

Kiniithana mpungu ovenyera wookhuma nndduwa, sika wi muthu oovenyera o ellapo yawoorekama oyo anaakwakhwanihelle nnddo kinapaalleemi weera. Nnddo killotilleemi kineeroddikwakhwanihella, nnddo kisimikizalleemi kineeroddeera.

Yesaya 14:24

Apwiya Amasiva Mattheene yoollupella wi, “Ddawoona, ddineereweereya wonanko mmo kikeraatthihelleemi nave ddinaakhalle wonanko mmo kisimikizelleemi.

1 Samuele 3:12

Kineeromullaka Eli ni nibanja naye nittheene moollikana ni mmo kallotilleemi ovenyera vawaamba ophiyera vamamallihello.

Deuteronomo 31:29

Kinnadduwella wi miyaano kakhwa, attheenenyu muneeronanara murima nave muneerohiya ettilla kinuulamuleemininndda. Koma vatulli viwa, muneerokumana ni ddoohoosa ddawoopiha ddinchichi ekaamba yaweera ddoonanara vamiitthoni va Apwiya ni ottatthamulla owalliiwa ni mafano munaapangeenyu.”

Deuteronomo 4:30

Mwakhalla mu ddoohoosa nave ddeko ddittheddenenndda ddaweereyellani vatulli viwa muneerohokollweella wa Apwiya Mullukwaanyu nave muneerewiiwellella mawiiwa.

Numeri 24:14

Balamu aamulleella Balaki wi, “Vano kinimarowa wa athwaaka. Koma vano kinaaka kuulleelleni nnddo Aisraele enaaweerelliiwa athwaanyu mallapo enawaalla.”

Genesis 49:1

Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”

Yeremiya 49:39

Komave mallapo amuhoollo kineerewaahokollosellattho murendelle athu a o Elamu. Mi Apwiya koollota.”

Yeremiya 49:37

Athu a o Elamu kineerowoopopiha vamiitthoni va adaniiwa ni va oyo anapaalla waatthollosa. Kineerewaashella murima wunchichi nave kineerowiikara ni nsupada ophiyera kaatthollosille.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yeremiya 23:19

Onani ephevo yawoopiha yoovenyera wa Apwiya! Onani owalliiwa wawoopa wonanko ephevo yuullupalli, oneerewoopa va miru dda oonanara.