Yeremiya 30:22 - Mawu a Mulluku

²² Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Yeremiya 30:22 ပူးပေါင်းရင်းမြစ်များ

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Ezekiele 36:28

Muneerokhalla mu ellapo eyo kaavahilleemi makhollwaanyu. Muneerokhalla athwaaka nave miyaano kineerokhalla Mullukwaanyu.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yeremiya 24:7

Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Ezekiele 37:27

Enyumbaaka eneerokhalla variyari viwa. Miyaano kineerokhalla Mullukwiiwa nave alliwa eneerokhalla athwaaka.

Yeremiya 32:38

Enaakhalle athwaaka nave miyaano kinaakhalle Mullukwiiwa.

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Ezekiele 11:20

Vano eneerothwara malamulwaaka, eneerosunga ni wiiwellella malangizwaaka. Sika eneerokhalla athwaaka nave kineerokhalla Mullukwiiwa.

Nchipo na Solomoni 2:16

Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”