Vano Yeremiya aakusa nibukhu nimodda amwinnya namalembella Baruki mwaana a Neriya amulembiha mawu mattheene a mu nibukhu nne Yehoyakimu mwene a o Yuda anoosilleeye nave ahoonjereravo mawu mamodda oophwanaphwanana.
Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”
Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.
Ddeko ddittheddenenndda ddaaweereyella wi ekhalle echisanzo wa alliwaayo nave ddaalembiwa wi ddikhalle ddoonichenjeza hiyaano. Vawi ninakhalla va enthawi yawaatamella emallihello.
Vano Apwiya yaamulleella Mose wi, “Ddenndda muddilembe munibukhuni wi dduupuwelliweke nave mullote vamiitthoni va Yoswa wi kineerothiimiha nnddina na Aamaleke.”