Yeremiya 30:18 - Mawu a Mulluku

¹⁸ Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Yeremiya 30:18 ပူးပေါင်းရင်းမြစ်များ

Masalimo 102:13

Muneerovenya ni omumorella ethakaraka Ziyoni vawi enthawi yoomweerella echifundo yoophiya.

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yeremiya 33:7

Athu a o Yuda ni a o Israele kineerewaahiya vaphaama ni waahokollosella mmo yakhallelliiwa vawaamba.

Yeremiya 49:39

Komave mallapo amuhoollo kineerewaahokollosellattho murendelle athu a o Elamu. Mi Apwiya koollota.”

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Zekariya 1:16

Sika ekaambiiwa kihokollweelleemi o Yerusalemu ni murima weechifundo. Enyumbaaka eneeromakiwattho wenko nave eneerokusattho mukwe woolingella wi emakettho muzinda wa Yerusalemu, Mi Apwiya Amasiva Mattheene koollota.’

Yeremiya 46:27

Koma we Yakobo, oorumeyellaaka, ohoove, we Israele, ohitathille murima, vawi kineerewuuvullusa o ellapo ddawoorekama. Kineerovullusattho edduullu ddawo o ellapo ddapharelliweewawo okaporo. Yakobo aneerohokollowa ni okhalla mwaphaama ni mwamurendelle, khaavottho mmodda anaamoopopihe.

Yeremiya 49:6

Koma vatulli viwa kineerewaahokollosellattho murendelle Aamoni. Mi Apwiya koollota.’ ”

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

1 Epilli 29:19

Muvaheni Solomoni mwanaka murima wawiivelleella wi asungeke malamulwaanyu, ehuddihwaanyu ni malangizwaanyu navettho opaalla weera erive ello wi amake enyumba eyo kiyikhozekelleemi.”

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yeremiya 31:38

Apwiya enallota wi, “Enthawi enimawa mvo miyaano Apwiya kinaamakelliweemi muzinda waambeella o nttattha na Hananele ophiya o mullako wa Ekona.

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Masalimo 78:69

Aamaka mapurwaaye aweella wonanko ooddullu, akeraattheya wa enthawi yoohimalla wonanko ellapo yavatthi.

Nehemiya 7:4

Muzinda wa Yerusalemu waari wooramballalla navettho muullupalli koma athu yaarimo vang'ono nave enyumba ddaari ddihinamakiwemo.

Masalimo 85:1

Nyu Apwiya, mwaayeerella echifundo ellapwaanyu, mwaahokollosella ekari wa nibanja na Yakobo.

Zekariya 14:10

Ellapo ettheene eneeromwaramwariwa phaama ovenyera o Geba ophiya o Rimoni, omwera wa Yerusalemu. Koma Yerusalemu aneerowellihiwa va nipuro naye ovenyera o mullako wa Benjamini ophiya o nipuro nko waari Mullako Wawaamba, ophiya o mullako wa Ekona navettho ovenyera o nttattha na Hananele ophiya o nipuro noovotella mpesa wa mwene.

Yeremiya 31:40

Ntapo nittheene mmo yatathillelliiwa mitembo ni ntuura navettho emata ddittheddene waambeella o muhinje wa Kidroni ophiya o Ekona ya Kavalo wookhuma nndduwa, ddittheddenennddo ddinaakhalle ddoopatuleya vamiitthoni va Apwiya nave khowa okumulliwattho apaalle woonongiwa.”

1 Epilli 29:1

Mwene Davide aallota wa mutthukumano muttheene wi, “Mwanaka Solomoni oyo Mulluku amutthoonlleeye tti mung'onong'ono nave khanadduwella ddinchichi. Vano muttekoolla tti muullupalli vawi enyumbeella khekhalla ya muthu koma ya Apwiya Mulluku.

Masalimo 48:3

Mulluku ari muwari mwa muzindooyo, ooddooniha yeekhaaye wi tti ooteteza.

Masalimo 48:13

Wehesesani phaama esiri ddiwa ddoollipa, onesesani phaama mpandiiwa, wi muwore otthopoollella mbado wamuhoollo wi,

Masalimo 122:7

Murendelle okhalle muwari mwa mpandaawo, ddaphaama ddikhalle mu enyumba ddawo ddoomwene.”

Yeremiya 29:11

Vawi kinnadduwella maganizo ayo kinaganizeemi dda nyuwaano. Maganizo amurendelle ohiri oonanara, awuuvahani muhoollo mwaphaama ni etiyerello yawoona.

Yeremiya 32:15

Apwiya Amasiva Mattheene, Mulluku a Israele, ellotille wi eneerophiya enthawi mvo athu enaakullekiiwa enyumba, emata ni miteekho ddampesa mu ellapo yeella.’ ”

Ezekiele 36:11

Kineerewaaruuwiha athwaanyu owaaka eziweto ddanyu. Aneerewaata nave eneerewaayara anamwani anchichi. Kineeroweerihani wi mukeraattheye wonanko khalle nave kineeroweerellani ddaphaama okhwaranya khalle. Sika muneerodduwella wi mi tti Apwiya.

Amosi 9:14

“Kineerewaahokollosellattho athwaaka, Aisraele, o ellapwiiwa, eneeromakattho mizinda m'matepeni wi ekhallekemo, eneerollima emata ddampesa nave eneeromuwirya vinywiiwa, eneerollima emata nave eneerocha ezipaso ddiwa.

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”

Zekariya 12:7

“Apwiya enaambe ovullusa misasa dda Yuda wi eyuuma ettheene ya nibanja na Davide ni ya athu a o Yerusalemu ehikhwaranye ya Yuda.

Masalimo 102:14

Oorumeyellaanyu ennahakallallana mallukwaaye, ennamorella ethakaraka nthupi naye.

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”