Yeremiya 30:16 - Mawu a Mulluku

¹⁶ Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.

Yeremiya 30:16 ပူးပေါင်းရင်းမြစ်များ

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Eksodo 23:22

Koma mwamwiiwella olliyooyo ni weera ddittheddene kinaalloteemi, miyaano kineerewiitana ni adanaanyu nave kineerewaagonjiha attheene ayo enuuvaanyihekeni.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Zekariya 12:2

“Kineeromutthattusa Yerusalemu akhalle wonanko kapu a vinyo oyo anaalezelihe mitundu ddittheddene dda athu ddoomwaapheella. Yuda aneerohelliwattho ekhoto vamodda ni Yerusalemu.

Yowele 3:8

Kineerewaakulliha aniinyu aallopwana ni aatthiyana wa athu a o Yuda nave alliwa eneerewaakulliha wa Aseba, woorekamella ni owaniwa.” Mi Apwiya koollota.

Yesaya 14:2

Athu a mitundu ddimodda eneerewaavelleella o ellapo eyo Apwiya yaavahilliiwa. Wenko athwaayo enaakhalle awaarumeyella monga akaporo, aallopwana ni aatthiyana. Aisraele eneerewaaphara okaporo athu ayo khalle yaari apwiiwa ni waalamulella ayo khalle yaahoosa.

Masalimo 129:5

Athu attheene awiitana ni Ziyoni ewullihiwe muru, ehokollweelle mutulli.

Zefaniya 2:8

Apwiya enallota wi, “Kohiiwa ovevulla wa Amowabu ni oruwana wa Aamoni, mmo enaanyaambuselliiwa athwaaka, mmo eniitukhullelliiwa mwiillaponi mwiwa.

Habakuku 2:16

Koma oneerowulliwa muru munipuroni moovahiwa olemu. Vano wirya, olezele ni ohahareye, Apwiya eneerewuwiryiha kapu a owalliiwa, olemwaawo oneerotthattusiwa owulliwa muru.

Nahumu 1:8

Koma ni maaddi a echigumula eneerowoononga adaniiwa, ennawiikarihella o nipuro na epiphi.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Mika 4:11

Vano mitundu ddinchichi ddootthukumana wi ddiwane ni weyaano Ziyoni voollotani wi, “Hankoni nimuripihe, noone omalla wa Ziyoni.

Ezekiele 35:5

“Mwaari adani a Israele enthawi ettheene nave mwaanaakhullella wi athwaaye yiiphiweke va enthawi ya ddookatamiha ddiwa, va enthawi ya ollakiwa wiwa wookomihera.

Ezekiele 29:6

Vano athu attheene ookhalla mu Iguputo eneerodduwella wi mi tti Apwiya nave we Iguputo waari wonanko mutooto wa epango vamiitthoni va Aisraele.

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Yeremiya 2:3

We Israele waari oopatuliwa a Apwiya, waari wonanko echipaswaaye yawaamba wiithwa. Kaarumiha ddoovoreya ni ddookatamiha ddinchichi va attheene ayo yuuhoosille otulli waanaamorella. Mi Apwiya koollota.”

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Yesaya 54:15

Mmodda uullikani, khe miyaano keerihalle. Oollipana ni weyaano aneerolephela vawi oneeromugonjiha.

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Zekariya 1:14

Mungelo aakilleella wi, “Llalleya wi Apwiya Amasiva Mattheene enallota wi, ‘Maganizwaaka mattheene ni murimaaka muttheene ddiri va Yerusalemu ni Ziyoni.

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Yeremiya 25:12

Miyakha 70 ddamalla, kineeromullaka mwene a o Babiloni ni athwaaye ekaamba ya ddoonanara ddiwa nave ellapwiiwa kineeroyitthattusa ntepe wa enthawi yoohimalla.

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 30:15

Munakhupanyella tini ni nikhwata nanyunna? Nikhwata nanyu khaninavolle. Mullatwaanyu tti muullupalli, machimwaanyu tti manchichi, sika ekaambiiwa kiweerelleemini ddenndda.

Deuteronomo 30:7

Koma Apwiya Mullukwaanyu eneeromorihella matembelelo mattheene va adanaanyu ayo yuuhoosani.

1 Samuele 17:53

Vano akhoto a Aisraelaalle yaawaawo woowiikara Afilisti wulle, eya omisasani ddakhoto dda Afilisti yaakha ddeko dda m'misasani.

Miyambo 22:23

Vawi Apwiya eneerewaateteza va mullatwiiwa nave eneerowaakha okumi ayo enawaakha.

Maliro 1:22

“Muweeruze va mitteko ddiwa ddittheddene ddoonanara, mwaallake wonanko mwakillakelleenyu ekaamba ya ddoolakwa ddaka ddittheddene. Kinimiipullella wunchichi, nave murimaaka woofookellaatu.”

Zekariya 1:15

Kohaananariwella wunchichi athu a mitundu ddimodda ayo eri vamurendelleni. Vawi kaananariwelleemi athwaaka mooyeva koma alliwa sika yoonjereriiwa waahoosa athwaaka.

Zekariya 2:12

Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.