Yeremiya 30:14 - Mawu a Mulluku

¹⁴ Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Yeremiya 30:14 ပူးပေါင်းရင်းမြစ်များ

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yobu 30:21

Mookikhallella ekuku, munnakihoosa ni nnatta nanyu namasiva.

Yeremiya 22:20

“Nyu athu a o Yerusalemu, wellani o miyaango o Lebanoni, mwinlle mookhuwa wenko, mawaanyu yiiweye ophiya o Bashani. Mwinlle mookhuwa muri o Abarimu, kaambiiwa attheene mwaaroromellaanyu aagonjihiwa.

Yeremiya 30:15

Munakhupanyella tini ni nikhwata nanyunna? Nikhwata nanyu khaninavolle. Mullatwaanyu tti muullupalli, machimwaanyu tti manchichi, sika ekaambiiwa kiweerelleemini ddenndda.

Yeremiya 22:22

Ephevwaaka eneerewaatukhullavo abusaanyu attheene, akhwaawo eneerophariwa okaporo. Ddawoona, muneerovevulliwa ni onyaambusiwa ekaamba ya ddoonanara ddanyu ddittheddene.

Yeremiya 4:30

We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yobu 19:11

Mulluku ookishella murima, anakeesa mudanaaye.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Ezekiele 23:22

Vano mi Apwiya Mulluku kinallota wi, “We Oholiba kineereweeriha ezibwenzi ddawo wananariweewenanndde wi dduuwukille. Kineeroddiithana ovenyera o embali ddittheddene.

Ezekiele 23:9

Sika ekaambiiwa kamuhiyalleemi m'mattani mwa ezibwenzi ddaye, Aasiriya ayo aawanddeellelleeye.

Maliro 1:19

Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.

Yeremiya 38:22

atthiyana attheene oohalla mu enyumba yoomwene a o Yuda eneerovelleelliwa wa enduna dda mwene a o Babiloni. Vooyaani o Babiloni, atthiyanaayo eneerekewiipa nchipo nawi, ‘Akhwaawo oororomelleya yahuulleka ni wuugonjiha, meto ddawo ddootora m'matokwini, akhwaawo aahokollweella mutulli.’ ”

Yeremiya 6:23

Ekusalle miira ni mavaka, tti athu awumma murima nave khenna echifundo. Enanyakulla wonanko enyanja nave ewenlle va akavalwiiwa okhozekella owana ekhoto ni we Ziyoni.”

Yobu 16:9

Mulluku ookitthalla moonanariwa, ookiita, ookillumella miino, mudanaaka ookikhumihella miittho.

Masalimo 107:17

Amodda yaavoriiwa ekaamba ya ettilla ddiwa ddoonanara, ehoosiwa ekaamba ya machimwiiwa.

Yesaya 57:13

Mwaakhuwaka opaalla nikavihero, mafanwaanyu yuukavihereni! Ephevo eneerovenyihavo millukunnddo mpweya oneerovavihavo. Koma ayo enakiroromella miyaano eneerewaakhella ellapo yookhallamo ni ovekella va mwaangwaaka waweella.”

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Yeremiya 32:30

Athu a o Aisraele ni a o Yuda enneera ddoonanara vamiitthoni vaka ni okishiha murima ni mitteko ddiwa ddoonanara.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 50:42

Ekusalle miira ni mavaka, tti athu awumma murima, khenna echifundo. Enanyakulla wonanko enyanja, ewenlle va akavalwiiwa okhozekella owana ekhoto ni we Babiloni.

Obadiya 1:7

awiiwanananaanyu aawiikarani mwiillaponi mwanyu. Athu mwakhalleenyuna mwamurendelle ahuugonjihani, akhwiinyu mwacheenyuna vamodda ahuureyani musampha, enimuunyemullani wi, ‘Ochenjera wiwa ottheene wulle ori wuuwi?’ ”

Yeremiya 5:5

Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 32:34

Yahiimesa mafanwiiwa oonanara mu enyumba eyo enadduwanyeya ni nnddina naka nave yaayiripiha.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.