Yeremiya 30:13 - Mawu a Mulluku

¹³ Khaavo anaawore owaakiherani va mullatwaanyu, khawiivottho murete woochiriha eretaanyu.

Yeremiya 30:13 ပူးပေါင်းရင်းမြစ်များ

Yeremiya 46:11

We namwalli a o Iguputo khawe o Giliyadi, wakuse murete. Woheesesa mirete ddoohiyanahiyana, woolephela, eretaawo khechirihiwa.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”

1 Yohane 2:1

Kinuulembellani nyuwaano, anaaka wi muhichimweke. Koma mmodda achimwa, nookhalla ni oonipepesella wa Attiitthiihu, sika Yesu Khrisitu, oolungama.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Nahumu 3:19

Nikhwata nawo khaninna murete, khanivolla, attheene ayo eniiwa dda weyaano, ennoopa m'mattani moohakallalla. Ethiyo ookhallavo mmodda ahinallawiheke ekukwaawo yoohimalla?

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

Yesaya 59:16

Yahoona wi khavaari muthu naari mmodda nave yaattikhina wi khavaari aweeravo ookhalla variyari. Vano yaapambana ni masiviiwa nave yahiillipiha ni echilungamwiiwa.

Yesaya 1:6

Ovenyera onnyalloni ophiyera omuruni khaviivo vaphaama koma viri marudda, etthuku ni makhwata makitthi. Makhwateene ttoohihuwiwa, oohimakiwa ni oohihelliwa makhura.

Masalimo 142:4

Kaweha o nnattanatta, khaavo naari mmodda anapwatha dda miyaano, khawiiwo wawi kithawellewo, khaavo muthu ookikavihera.

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Yobu 5:18

Vawi annaphoriiha navettho annamaka makhwata. Annuukutha navettho mattaaye ennachiriha.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Yeremiya 17:14

Nyu Apwiya, kichiriheni nave ddawoona kineerochira. Kivulluseni nave ddawoona kineerovulluwa ddawoona. Nyu tti oyo kinamuthokozeemi!

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Yeremiya 6:7

Wonanko mmo ehime enasungelliiwa maaddi, sikattho Yerusalemu anasungelleeye ddoonanara ddaye. Kinniiwa mwa olliye dda echiwonongeko ni ekhoto nave kinnoonattho ereta ni makhwata.

Ezekiele 30:21

“We mwaana a muthu, kohinttaka nnatta na Farao mwene a o Iguputo. Khaavo animakille wi nichire nave khenihuruwelle ni ekuwo onillipiha wi nipharettho nsupada.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?