Yeremiya 30:12 - Mawu a Mulluku

¹² Apwiya enallota wi, “Nikhwata nanyu tti noohivolliheya, nikhwata nanyu nimmattatthareya.

Yeremiya 30:12 ပူးပေါင်းရင်းမြစ်များ

Yeremiya 15:18

Kaambiiwa tini ddoohoosa ddaka ddihinamalliiwa, nikhwata naka nihinavolliiwa? Ethiyo munapaalla mukilleke wonanko mwanamuhinje wawumma apaalle muhinje woohikhalla ni maaddi?”

Yeremiya 30:15

Munakhupanyella tini ni nikhwata nanyunna? Nikhwata nanyu khaninavolle. Mullatwaanyu tti muullupalli, machimwaanyu tti manchichi, sika ekaambiiwa kiweerelleemini ddenndda.

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Yeremiya 6:7

Wonanko mmo ehime enasungelliiwa maaddi, sikattho Yerusalemu anasungelleeye ddoonanara ddaye. Kinniiwa mwa olliye dda echiwonongeko ni ekhoto nave kinnoonattho ereta ni makhwata.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Mika 1:9

Makhwata a Samariya khenavolla nave aaphiya o Yuda. Woonongeya wohaatamella o Yerusalemu, muzinda wa athwaaka.”

Nahumu 3:19

Nikhwata nawo khaninna murete, khanivolla, attheene ayo eniiwa dda weyaano, ennoopa m'mattani moohakallalla. Ethiyo ookhallavo mmodda ahinallawiheke ekukwaawo yoohimalla?

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.