Yeremiya 30:10 - Mawu a Mulluku

¹⁰ “We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yeremiya 30:10 ပူးပေါင်းရင်းမြစ်များ

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yesaya 43:5

Ohoove vawi kiri ni weyaano. Kineerohokollosa edduullu ddawo ovenyera wookhuma nndduwa, kineerodditthukumaniha ddittheddene ovenyera woovollowa nndduwa.

Yesaya 44:2

Mi tti Apwiya ayo yuuphatusalle, ni yawoopille m'mirimani mwa amaayo ayottho enuukavihera. We Yakobo, oorumeyellaaka, we Yeshuruni, ootthoolliwaaka, ohoove.

Yesaya 35:9

Wenko khowa okhalla mikango, enama ddawoopiha khaddiwa ddiphiyawo, khaddiwa ddiphwanyeyawo naari vang'ono. Koma yaayove Apwiya yawooponlliiwa, eneereweeta mu musewu yoolla.

Yohane 12:15

“Muhoove, nyu athu a Ziyoni! Ngoonani, mwenaanyu animawa wa weyaano, amuwenlle mwaanabulu.”

Yeremiya 33:16

Enthawi yeeyo Yuda aneerovulluwa nave Yerusalemu aneerokhalla vamurendelleni. Sika muzindooyo onaaromolliweke wi, ‘Apwiya sika echilungamwaahu.’

Yeremiya 23:8

Koma eneereke wi, ‘Va miitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Zekariya 3:10

Nllapo nenno attheenenyu muneerewiithanihana wi mwahakallallelle murendellaanyu, arive muthu ari va muteekhwaaye wampesa ni wanamukuyu. Mi Apwiya Amasiva Mattheene koollota.’ ”

Ezekiele 38:11

Vano oneerollota wi, ‘Kineerowana ekhoto ni ellapo ya mizi. Kineerooya wa athu ayo enakhalla mwamurendelle ayo ehinateteziwa ni mipanda apaalle machiwi ookhalla ni mikoko ddoollipa.

Ezekiele 16:52

Vano weyaano woonihe owulliwe muru nave ovevuwe. Ochimwa wawo tti woonanara wunchichi waakhwaranya asinno wawi alliwa ahooneya Vano weyaano woonihe owulliwe muru nave ovevuwe. Vano we wooneyille wonanko oohichimwa, owulliwe muru nave ovevuwe.”

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yesaya 54:4

Ohoove kaambiiwa khewa yuunyaambusattho, ohitathille murima vawi khewa yuuvevullattho. Oneerotiwalla nnddo dduuwulliha muru va esombwaawo, owulliwa muru wa onaamukhwellaawo khowuupuwellattho.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Yesaya 46:11

Kiniithana mpungu ovenyera wookhuma nndduwa, sika wi muthu oovenyera o ellapo yawoorekama oyo anaakwakhwanihelle nnddo kinapaalleemi weera. Nnddo killotilleemi kineeroddikwakhwanihella, nnddo kisimikizalleemi kineeroddeera.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Yesaya 49:25

Apwiya enaakhulla wi, “Ddawoona, akhoto eneerewaakhiwa oophariwiiwa, eekuku aneerewaakhiwa nnddo aakhilleeye. Kineerollipana ni ayo enallipana ni nyuwaano, kineerewaavullusa aniinyu.

Yesaya 14:3

Apwiya eneerewuuvumihani o ddoowaawa, ddoohoosa ni mitteko ddootopiha nnddo athu yuuphariheewani.

Yesaya 44:1

Apwiya enallota wi, “We Yakobo, oorumeyellaaka, we Israele, ootthoolliwaaka, apella maaru!

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Yeremiya 29:11

Vawi kinnadduwella maganizo ayo kinaganizeemi dda nyuwaano. Maganizo amurendelle ohiri oonanara, awuuvahani muhoollo mwaphaama ni etiyerello yawoona.

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Yowele 2:21

“We ellapo, ohoove, thapella nave hakallalla vawi Apwiya aaweerella dduullupalli.

Yesaya 49:12

Ngoonani, athwaaka eneerovenyera woorekama, amodda ompoto, amodda woovollowa nndduwa, amoddattho o Asuwani, omwera.”

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Hoseya 2:20

Kineerewuutomela moororomelleya nave oneerodduwella wi mi tti Apwiya.”

Hoseya 6:11

Nyuttho Ayuda, muneerohata ollaka. Kaawaahokollosellaka ddaphaama athwaaka.’ ”

Mika 4:9

We muzinda, oninllellati mookhuwa ddiiddo? Ethiyo khonna mwene? Onahoowellati wonanko mutthiyana va enthawi yooyara?