Yeremiya 3:9 - Mawu a Mulluku

⁹ Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Yeremiya 3:9 ပူးပေါင်းရင်းမြစ်များ

Yeremiya 2:27

Munallota wa muteekho wi, ‘We tti attiitthaaka,’ nave wa nlluku wi, ‘We tti Amoowaaka.’ Mookireya etulli munipuroni moorukunuwella wa miyaano. Komave mwakhalla mu ddookatamiha munnakiithana wi kuuvulluseni.

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yesaya 57:6

Munaakusa malluku oosalala a mutapo munaallapella wonanko milluku. Munavelleella dda ddoowirya ni dda ddoocha. Ethiyo ddenndda ttuukiddivella?

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Habakuku 2:19

Otulli wa oollota ni muteekho wi, “Venya!” Apaalle wa nlluku noohikhalla ni okumi wi, “Imella!” Ethiyo ddenndda ttuulangiza? Ngoona, yoohuruwelliwa ni golide ni siliva muwari mwiwa khamuri okumi.

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Ezekiele 23:10

Alliwa yaamurulla, yaamwaakha anaaye aallopwana ni aatthiyana nave yaamwiipha ni nsupada. Allakiwe ddiiddo aatthattuwa ello yoovevuwa variyari va atthiyana akhwaaye.

Ezekiele 16:17

Waakusattho ddooreerihella ddaka ddagolide ni ddasiliva nnddo kuuvahilleemi opangella mafano eellopwana onararuwana.

Mateyu 5:32

Koma miyaano kinuulleellani wi, mullopwana amuhiya mwaariye ahiraruwalle, annamweeriha mutthiyanooyo oraruwa atthelliwattho nave mullopwana amutthella mutthiyana oohiyiwooyo animararuwattho.”

Yeremiya 16:18

Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Ezekiele 23:3

Yaanararuwa o Iguputo. Yaambeelle oraruwa eri anamwalli. Wenko athu yaanawaapapella vathirimani enaaphara mapelliiwa oohikokhora.

Ezekiele 23:21

Sika we Oholiba, waapaalla oraruwa wonanko weerelleewe o Iguputo ori namwalli nko yawaapapelliiwa vathirimani enuuphara mapellaawo oohikokhora.”

Hoseya 2:2

“Mumuhumullulle meenyu, mumuhumullulle vawi khe mwaaraka nave miyaano ngihiyottho mamune. Mumuhumullulle wi ahiye oraruwa, ezibwenzi ddaye addivenyihe vamirimani vaye.

Yesaya 57:3

Waani wuno nyu athu oochimwa vawi muri wonanko edduullu dda amasenga, ooraruwa ni oohule.

Yowele 1:19

Nyu Apwiya, kinimawinllellani vawi munyepu woosha ni munllo miteekho ddamuhakani ddohaavuwa ekaamba yawi munllo wooddoononga.