Yeremiya 3:8 - Mawu a Mulluku

⁸ Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Yeremiya 3:8 ပူးပေါင်းရင်းမြစ်များ

Deuteronomo 24:1

Ttuuweereya wi muthu ttuumutthella mutthiyana nave aahimweerella echifundo ekaamba yawi oomuphwanya ni yoolakwa. Vano amulembe kalata oomwallanella nave amwinnye mutthiyanooyo vamattani ni omuvenyihevo vaatte vaye.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

Ezekiele 23:9

Sika ekaambiiwa kamuhiyalleemi m'mattani mwa ezibwenzi ddaye, Aasiriya ayo aawanddeellelleeye.

Ezekiele 16:47

Weyaano khewaawiiwananne ni ettilla ddiwa navettho ddaweera ddiwa ddoonanara. Koma viviralle enthawi yooyeva waheera yoonanara waakhwaranya alliwa.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Deuteronomo 24:3

nave aneepiillooyo allotattho wi khanamupaalla ttuumulembellattho kalata oosuzula ni omwinnya vamattani nave mutthiyanooyo avenyavo vaattemvo. Apaalle mullopwana aneepiillooyo akhwa,

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 33:24

wi, ‘Apwiya ahaakhoota mabanja meellaalle yaatthoollilliiwa?’ Sika athwaayo enanyaambusa mullokwaaka oohiweesattho wonanko mutundu wa athu.

Ezekiele 16:46

Muullupallaawo tti Samariya oyo akhalla ompoto ni mizi ddaye. Mung'onong'onwaawo tti Sodomu oyo akhalla omwera ni mizi ddaye.

Ezekiele 16:51

“Samariya kheerille naari hafu a machimo weerilleewe. Weyaano waheera ddoonanara ddinchichi waakhwaranya asinno eellaalla wawi alliwa yooneya wonanko oohichimwa ophwanaphwaniha ni weyaano.

2 Epilli 21:11

Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Ezekiele 23:44

Yaanaya wa alliwa wonanko mmo athu enayeelliiwa wa mutthiyana ooraruwa, sika wi tti mmo yayeelliiwa wa Ohola ni Oholiba yararuwakana.