Yeremiya 3:7 - Mawu a Mulluku

⁷ Kaganiza wi amalliha weera ddenndda aneerohokollweella wa miyaano koma khaahokollowille. Vano Yuda, mwanamunne oohiroromelleyoolle, aaddoona ddennddo.

Yeremiya 3:7 ပူးပေါင်းရင်းမြစ်များ

Ezekiele 16:46

Muullupallaawo tti Samariya oyo akhalla ompoto ni mizi ddaye. Mung'onong'onwaawo tti Sodomu oyo akhalla omwera ni mizi ddaye.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Yeremiya 5:11

Athu a o Israele ni a o Yuda attheene tti oohiroromelleya vamiitthoni vaka, mi Apwiya koollota.”

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Yeremiya 33:24

wi, ‘Apwiya ahaakhoota mabanja meellaalle yaatthoollilliiwa?’ Sika athwaayo enanyaambusa mullokwaaka oohiweesattho wonanko mutundu wa athu.

Ezekiele 16:47

Weyaano khewaawiiwananne ni ettilla ddiwa navettho ddaweera ddiwa ddoonanara. Koma viviralle enthawi yooyeva waheera yoonanara waakhwaranya alliwa.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Amosi 4:8

Athu a mizinda miilli apaalle miraru yaanaya o muzinda mmodda wi yaashaashe maaddi koma kheyaakwakhwanella. Komave khemwaahokollweelle wa miyaano. Mi Apwiya koollota.”

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.

2 Epilli 17:4

koma amullapella Mulluku a makhollwaaye, aniiwellella malamulwaaye oohithwara mmo Aisraele yakhallelliiwa.