Yeremiya 3:4 - Mawu a Mulluku

⁴ “Nave vano onimakinllella wi, ‘Attiitthi, kiri ookondiwaanyu ovenyera enamwanaaka.

Yeremiya 3:4 ပူးပေါင်းရင်းမြစ်များ

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yeremiya 3:19

Apwiya enallota wi, “We Israele, ddeerokiddivella wuuhiya variyari va anaaka, wi kuuvahe ellapo yaphaama, yoohallana yooreeresesa okhwaranya ellapo ya mitundu ddimodda dda athu. Kapaalla wi mukeereke attiitthi, wi khamuwa mukihiyattho miyaano.

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Miyambo 2:17

oyo anamuhiya mamune awaamba, ootiwalla echipangano ni Mullukwaaye.

Masalimo 71:17

Nyu Mulluku, mookihuddiha waambeella enamwanaaka, ophiyera ollello kinnallalleya mitteko ddanyu ddoottikhiniha.

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

Yeremiya 2:27

Munallota wa muteekho wi, ‘We tti attiitthaaka,’ nave wa nlluku wi, ‘We tti Amoowaaka.’ Mookireya etulli munipuroni moorukunuwella wa miyaano. Komave mwakhalla mu ddookatamiha munnakiithana wi kuuvulluseni.

Miyambo 1:4

Ddinnamweeriha muthu eenamwani okhalla oochenjera nave ddinnamuhuddiha musombwe odduwella ni oganiza phaama.

Masalimo 119:9

Ethiyo musombwe ttuusunga mwawiidde makhallellwaaye wi akhalle aweella? Vowaapwathani moollikana ni mawaanyu.

Masalimo 71:5

Nyu Apwiya Mulluku, tti oyo kinamutiyerelleemi, oyo kinamuroromelleemi waambeella enamwanaaka.

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”