Yeremiya 3:25 - Mawu a Mulluku

²⁵ Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 3:25 ပူးပေါင်းရင်းမြစ်များ

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Aroma 6:21

Ethiyo mwaphunrevo tini? Ddeko ddoowulliha muru nnddo dduuhoollellani wuukhwaani. Omallihella wene wa ddeko ddennddo tti okhwa.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Ezekiele 36:32

Dduwellani wi kineereweera ddenndda woohikhalla ekaamba ya nyuwaano. Mi Apwiya Mulluku koollota. Sika Aisraele attheenenyu wulliwani muru nave morihani ekhove ekaamba ya makhallellwaanyu oonanara.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Maliro 5:16

Enduwiraahu yoomora omuruni, ootulli hiyaano vawi noochimwa.

Maliro 5:7

Makhollwaahu yaachimwa nave kheyiiwo, vano nootukhulla machimwiiwa.

Yeremiya 6:26

Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 50:11

Ngoonani, attheene nyu munaviddeella munllo, ni okhariha ekhuni wi moononge, vollowani m'munllonaanyu yooyo, etani variyari va ekhuni mwakharihalleenyu. Muneerokhalla mu ddoohoosa, mi Apwiya sika kinuumorihelleni.

Yesaya 48:8

Koma eyariwellwaawo khonaddiiweke, eyariwellwaawo khawaaddidduwenlle, waambeella khalle maarwaawo kheyaahulliwe, vawi kaadduwella wi ori namasikita, wi waambeella enamwanaawo yahuuromolla oohiroromelleya.

Miyambo 5:13

Ngaawiiwellelle ahuddihaaka apaalle owaapella maaru alangizaaka.

Masalimo 109:29

Ookivaanyihana evevuwe, owulliwa muru wiwa waahuruwelle wonanko yoowara.

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

Oweeruza 2:2

Vano nyuwaano muhinapangana ni athu ookhalla mwiillaponimmu. Mukumulle makuwiiwa mattheene.’ Koma nyuwaano khamwiiwellelle lamulo naka. Ella mweerilleenyu tti tini?

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 8:14

Athu enakoha wi, “Kaambiiwa tini nineeriiwa moona okeraatthi? Hankoni attheene vamodda nithawelle o mizinda dda mipanda nakhwelle wenko. Apwiya Mullukwaahu aakamulla mullatu wi noophwanella okhwa aaniwiryiha maaddi anttipwi kaambiiwa nohaachimwella.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Yeremiya 14:20

Nyu Apwiya, nohuuchimwellani wunchichi, ninnaakhullella machimwaahu ni a makhollwaahu.

Yeremiya 20:18

Ethiyo kayarelliwe tini? Ethiyo kayarelliwe ohoowa ni ethakaraka wi okumaaka omallelle mu owulliwa muru?

Yeremiya 31:19

Vano vawi noorukunuwa, ninnamoriwa ethakaraka. Vawi noohuddera, ninnadduukutha vakhakaddani. Noowulliwa muru nave noonyaambusiwa, ekaamba ya machimwaahu naariihu asombwe.’

Ezekiele 2:3

Aakilleella wi, “We mwaana a muthu, kinuuruma wa Aisraele, mutundu wa athu eekuku ayo ekiwukilalle. Alliwa ni makhollwiiwa aakhalla ekichimwellaka ophiyera ollello.

Miyambo 13:18

Ookhoota mwambo annahoowa nave annavevulliwa koma awiiwellella ohumullulliwa annariihiwa.

Yeremiya 7:19

Eneesa wi enakikatamiha miyaano koma eniikatamiha weekhiiwa ni wiiwulliha muru.

Yeremiya 9:18

Athu enallota wi, “Ewe mwawaakuva eninllelle wi m'miitthoni mwahu mumore miitthori, ekwikwi ddahu ddinaane.”

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Ezekiele 44:13

Khenaakhullelliwa ophiya vakhuviru ni miyaano wi ekirumreyelle monga allupa mukutho. Khewa yaatamella ddeko ddaka ddoopatuleya ni ddoovelleella ddoopatuleyesesa. Eneerowullihiwa muru ekaamba ya ddoonanara ddiwa.

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Zefaniya 1:17

Apwiya enallota wi, “Kineerewaahoosa wawoopiha wawi eneeteke wonanko oohoona vawi yaakichimwella. Nikhame niwa ninaakhalle virive veko wonanko nthupi, miilli ddiwa ddinaakhalle virive veko wonanko mashi eeng'ombe.