Yeremiya 3:24 - Mawu a Mulluku

²⁴ Waambeella khalle, Baala, mulluku oowulliha muru, ohoonongiha mphuro wa mutteko wa makhollwaahu monga enkhosa ni eng'ombe ddiwa, aniiwa aallopwana ni aatthiyana.

Yeremiya 3:24 ပူးပေါင်းရင်းမြစ်များ

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Hoseya 10:6

Nifanonno eneeronikusella o Asiriya wi nakhalle emphaso yoovelleella wa mwene muullupalli. Aefuremu ni Aisraele eneerowulliwattho muru ekaamba ya malangizo awoottha yawiiwellelliiwa.

Hoseya 2:8

Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

Ezekiele 16:61

Vano oneerekewuupuwella meetellwaawo akhalle. Oneerowulliwa muru voowaakhellani asinno, muullupallaawo ni mung'onong'onwaawo. Kineerewaarumiha wa weyaano wi ekhalle wonanko anaawo aatthiyana naari alliwaayo ehiri mu echipanganwaaka ni weyaano.’

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 44:7

“Sika vano Apwiya Amasiva Mattheene, Mulluku a Israele, enakoha munaddoonongella tini mwawi ddiidda? Kaambiiwa tini munaasheenyu owiiphiha Ayuda aallopwana ni aatthiyana, anamwani ni ooyariwa wene, oohuuhiyerani naari mmodda va nlloko nanyu?

Yeremiya 9:18

Athu enallota wi, “Ewe mwawaakuva eninllelle wi m'miitthoni mwahu mumore miitthori, ekwikwi ddahu ddinaane.”

Ezekiele 16:19

Waakusa ddoocha kuuvahilleemi, othu waphaama, makhura ni enwi nnddo kuuchihelleemi oddivelleella wa alliwa wonanko mukutho wa nthuko naphaama. Mi Apwiya Mulluku koollota.”

Ezekiele 16:20

“Wahaakusa anaawo aallopwana ni aatthiyana ayo kuuyarenlleemi waavelleella o mafano wonanko mukutho. Ethiyo oraruwa wawonko khawuukwakhwanne