Yeremiya 3:21 - Mawu a Mulluku

²¹ Mawu ahiiweya va asimiyaango, Aisraele eniminlla ni oveka echifundo, vawi aathwara ettilla ddoonanara, ahaatiwalla Apwiya Mullukwiiwa.

Yeremiya 3:21 ပူးပေါင်းရင်းမြစ်များ

2 Akorinto 7:10

Vawi ovoriiwa murima woovenyera wa Mulluku onnarukunusa murima wi ovullusiwe nave khaavo muthu anaakhalle ni ethakaraka ni ovoriiwa murima wenko. Koma ovoriiwa murima woovenyera wa athu onnawaana okhwa.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Yesaya 17:10

Nyu Aisraele, moomutiwalla Mulluku Oovullusaanyu, khemwaaroromenlle nlluku na woothawella wanyu. Munipuroni mwaye mwaallimella emata ddoopatuleya milluku ddeelleto.

Yesaya 15:2

Athu a o Diboni enawella enyumba ya milluku ddiwa ni mapurwiiwa oollapellamo yinllaka. Athu a o Mowabu eninllella muzinda wa Nebo ni wa Medeba. Orive muru woochemiwa mpala, ereru ddittheddene ddoochemiwa.

Mika 3:9

Ngiiwani, nyu oohoollella a nibanja na Yakobo, oolamulella a nibanja na Israele! Munniitana ni echilungamo, munnakhoromaniha ddeko ddawookowa.

Hoseya 13:6

Kahaachiha evona koma evonille yahiitukhulla nave yaakitiwalla.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Ezekiele 23:35

“Sika ekaambiiwa mi Apwiya Mulluku kinalloteemi wi, ‘Vawi wookitiwalla nave wookireya etulli oneerollakiwa ekaamba ya ddoonanara ddawo ni oraruwa wawo.’ ”

Ezekiele 7:16

Oohalla ayo enaavulluwe, enaakhalleke m'miyaangoni nave aneerekewinlla wonanko ekhunda. Arive muthu eneerekewiipullella ekaamba ya machimwaaye.

Miyambo 19:3

Athu ookarangeya ennaddoononga ni ddaweera ddiwa nave m'murimani mwiwa ennaahumullulla Apwiya.

Miyambo 10:9

Aweeta mwawookowa khanoova koma ookhoromaniha ettilla ddaye aneerophariwa.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Numeri 22:32

Mungelo aamukoha wi, “Kaambiiwa tini omuukuthalleewe bulwaawo mwawi ddiidda oraru? Koowa wi kuuwallelle ettilla ekaamba yawi olendwaawoolla onnakinanara.

Yesaya 57:11

Apwiya enallota wi, “Ethiyo tti milluku ddiivi nnddo mwaddoonilleenyu munaddoova ophiyera mwaakitiwallesesa oohikipwatha? Ethiyo moohiya okoova ekaamba yawi koheera ellapo tuu va enthawi yoorekama?

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.