Yeremiya 3:2 - Mawu a Mulluku

² Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yeremiya 3:2 ပူးပေါင်းရင်းမြစ်များ

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Genesis 38:14

Vano Tamarooyo aarulla ddoowara ddaye dda onaamukhwellenndde awara ddimodda. Ahiipitthiha ekhovaaye ni ekuwo, aya akeraatthi va ettilla yoovollowella o Enaimu. Muzi wa Enaimu waari mukhwipi mwa musewu wooyeella o Timna. Tamara aadduwella wi Shela aari unnuwalle koma Yuda aari ahinamuvelleelle wi amutthelle olliye.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Deuteronomo 12:2

Mutthollose mapuro mattheene, mitundu ddimodda dda athu nnddo munaaddaakheenyu ellapo, ddinallapelliiwamo milluku ddiwa va miyaango ni va asimiyaango navettho vatthi va miteekho ddoovattha.

Luka 16:23

Nave muthu a eyuumoolle ahooweeye o gehena, aaweha oddullu. Wenko aamoonawo Abrahamu ari voorekamella nave Lazaroolle ari vakhwipi ni Abrahamooyo.

Ezekiele 16:16

Waakusa ddoowara ddawo ddimodda oreerihana mapurwaawo oollapellamo onararuwawo. Ddenndda kheddineereyeke nave khaddiwa ddeereya.

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Yeremiya 3:21

Mawu ahiiweya va asimiyaango, Aisraele eniminlla ni oveka echifundo, vawi aathwara ettilla ddoonanara, ahaatiwalla Apwiya Mullukwiiwa.

Yeremiya 3:9

Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Miyambo 23:28

Annawiipitthella wonanko allupaawiiya nave annawoonjerera allopwana oohiroromelleya.

Miyambo 7:11

Aari ootokollolla, ooheeruzeya nave oohikeraatthi vaatte.

2 Mamwene 23:13

Vatulli viwa mwenooyo ahoonongattho mapuro oollapellamo mafano ayo yaari wookhumella nndduwa wa Yerusalemu, omwera wa mwaango wa Woonongeya. Makuwaayo Solomoni, mwene a o Israele ahaamakella nifano noonanara na Asidoni nooromolliwa Ashitoreti ni na Amowabu nooromolliwa Kemoshi navettho na Aamoni nooromolliwa Milikomu.

1 Mamwene 11:3

Solomoni aari ni awariye 700, anamwani amamwene, ni awariye ang'onong'ono 300.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Masalimo 106:38

Yaamoriha nikhame noohichimwa, nikhame na aniiwa aallopwana ni aatthiyana ayo yaavelleelliiwa mukutho wa mafano a o Kanani, sika yaaripiha ellapweeyo ni nikhame.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’