Yeremiya 3:14 - Mawu a Mulluku

¹⁴ “Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Yeremiya 3:14 ပူးပေါင်းရင်းမြစ်များ

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 10:22

We Israele naari athwaawo yaate wonanko mihava dda onyanja, oohalla ooyeva sika enaahokollowe. Woonongeya woosimikizelliwa, echilungamwiiwa eneerosefukella.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Aroma 9:27

Nave Yesaya aanakhuwa dda Israele wi, “Naari athu a o Israele tti anchichi wonanko mihava dda onyanja nave oohalla ooyevave sika enaavullusiwe,

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Yesaya 17:6

Ooyevave sika enaahallewo wonanko vootikhani muteekho wa olivi vawi ddinnahallavo ezipaso piilli apaalle ddiraru va enthambi ddamuddullu apaallettho ddisese apaalle dditthanu va enthambi ddavatthi. Mi Apwiya Mulluku a Israele koollota.”

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Yesaya 31:6

Nyu Aisraele, hokollweellani wa Apwiya ayo mwaawukilalleenyu wunchichi.

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

2 Epilli 30:6

Vano amithenga yaaya o Israele otthewene ni o Yuda ni makalata oovenyera wa mwene ni enduna ddaye. Mwene aalamula wi, “Nyu athu a mu Israele, hokollweellani wa Apwiya Mulluku a Abrahamu, Isaki ni Yakobo wi alliwa ehokollweelle wa athu muhanlle, nyu mwavulluwalle m'mattani mwa mamwene a o Asiriya.

Yesaya 27:12

Nyu athu a o Israele, Apwiya eneerewaatthukumaniha athwiiwa mmoddammodda ovenyera o Yufurate ophiya o muhinje wa o Iguputo.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.