Yeremiya 3:13 - Mawu a Mulluku

¹³ Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 3:13 ပူးပေါင်းရင်းမြစ်များ

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 3:6

Va enthawi ya mwene wa Yosiya, Apwiya yaakilleella wi, “Ethiyo wohoona nnddo eerille Israele oohiroromelleya? Oowella orive mwaango ni vatthi va orive muteekho woovattha nave ooraruwa.

Yeremiya 2:25

We Israele, ohaakhullelle wi nnyallo nawo nillalle, ommilloni wawo wumme ni nthona voothwarani milluku ddimodda. Koma we onallota wi, ‘Iyaayi, ngeerella mwaamodda, kinakonda milluku ddeelleto, ngiwora ohiya oddithwara.’ ”

Deuteronomo 12:2

Mutthollose mapuro mattheene, mitundu ddimodda dda athu nnddo munaaddaakheenyu ellapo, ddinallapelliiwamo milluku ddiwa va miyaango ni va asimiyaango navettho vatthi va miteekho ddoovattha.

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Ezekiele 16:15

“Koma wahiitukhullana oreera ni ovuwa wawo nave wahaamba oraruwa onakona ni arive muthu oovira.

Yeremiya 14:20

Nyu Apwiya, nohuuchimwellani wunchichi, ninnaakhullella machimwaahu ni a makhollwaahu.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yesaya 57:5

Munallapella mafano va miteekho dda muthundu, vatthi va orive muteekho wa enthambi ddoorapa. Munnaavelleella aniinyu monga mukutho m'mataponi, m'mittharini dda m'mallukuni.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Yeremiya 7:24

Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.