Yeremiya 3:10 - Mawu a Mulluku

¹⁰ Komave eerille ddittheddenenndda, Yuda mwanamunne oohiroromelleya aahokollweella wa miyaano koma moolleka ohiri ni murima muttheene. Mi Apwiya koollota.”

Yeremiya 3:10 ပူးပေါင်းရင်းမြစ်များ

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

Yesaya 10:6

Kinamuruma wa mutundu woohipwatha dda Mulluku nave kinamulamula wi aye wa athu ayo kaananariwelleemi wi atthukumanihe ni waakha eyuumiiwa ettheene ni waanyingallella wonanko matokwi a m'musewuni.”

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 18:44

Yiiwalle mawaaka yahaamba okiiwellella, athu a ellapo ddimodda yaananiwaramella.

2 Epilli 34:33

Yosiya aavenyiha ddeko ddoonanara ddittheddene o ellapo ddittheddene dda Israele nave aaweeriha athu attheene a o Israele wi yaarumeyelleke Apwiya Mullukwiiwa. Mwawi athwaayo kheyaahiyalle waarumeyella Apwiya Mulluku a makhollwiiwa.

Yesaya 31:6

Nyu Aisraele, hokollweellani wa Apwiya ayo mwaawukilalleenyu wunchichi.

Yeremiya 11:10

Aahokollweellattho o machimo a makhollwiiwa alle yakhootille okiiwellella vawi enathwara ni ollapella milluku ddimodda. A o Israele ni a o Yuda aatathilla echipangano eyo kakeraatthihalleemi ni makhollwiiwa.

Amosi 4:9

“Kahummiha mmiddwaanyu ni ereta owaaka nkhuwawe, nazombe ahoononga emata ddanyu ddittheddene ni ddampesa, miteekho ddanyu ddanamukuyu ni dda olivi komave khemwaahokollweelle wa miyaano. Mi Apwiya koollota.”

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.