Yeremiya 3:1 - Mawu a Mulluku

¹ Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Yeremiya 3:1 ပူးပေါင်းရင်းမြစ်များ

Ezekiele 16:26

Waararuwa ni Aiguputo ooraruwa, awaatamana ni weyaano nave waakishiha murima ekaamba ya waata wa oraruwa wawo.

Yeremiya 4:1

Apwiya enallota wi, “Mwapaalla ohokollowa, nyu Aisraele, hokollweellani wa miyaano nave muvenyihevo mafanwaanyu vamiitthoni vaka nave muhiwe muhollowattho.

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Zekariya 1:3

Sika alleelle athu wi Apwiya Amasiva Mattheene eni hokollweellani wa miyaano nave kineerohokollweella wa nyuwaano.

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yeremiya 3:9

Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Oweeruza 19:2

Koma nllapo nimodda mwaariye mung'onong'onoolle aananariwa ekaamba ya mamunoolle nave aathawa ahokollweella waattiitthinnya o Betelehemu ellapo ya Yuda. Aakhalla wenko miyeri misese.

Mika 2:10

Timullani, venyanivo, nna khe nipuro nawiithuuwellavo. Machimwaanyu aaripiha nipuronna, aawiiha woonongeya wawoopiha.

Yeremiya 3:22

Nyu athwaaka oohiroromelleya hokollweellani wa miyaano, kineerewuuchirihani wi mukhalle ororomelleya. Nyu munallota wi, “Ninimawa wa Apwiya vawi alliwa tti Mullukwaahu.

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Yesaya 24:5

Athu yooripiha ellapo yavatthi voohithwarani malamulo a Mulluku voovevullani mawaaye ni voohiiwellellani echipangano yoohimalla.

Deuteronomo 22:21

vano emuyeena va mullako wa attiitthinnya. Nave allopwana a m'muzindammo emwiiphe voomuvokhani malluku ekaamba yawi aheera ello yoowulliha muru mu Israele vooraruwani ari mpa mwa attiitthinnya. Sika mwawi ddiidda muneerovenyihavo yoonanara variyari vanyu.

Mateyu 5:31

“Waallotiwattho wi, ‘Oyo anamuhiya mwaariye amwinnyeke kalata oomwallanella.’

Masalimo 106:38

Yaamoriha nikhame noohichimwa, nikhame na aniiwa aallopwana ni aatthiyana ayo yaavelleelliiwa mukutho wa mafano a o Kanani, sika yaaripiha ellapweeyo ni nikhame.

Yeremiya 22:20

“Nyu athu a o Yerusalemu, wellani o miyaango o Lebanoni, mwinlle mookhuwa wenko, mawaanyu yiiweye ophiya o Bashani. Mwinlle mookhuwa muri o Abarimu, kaambiiwa attheene mwaaroromellaanyu aagonjihiwa.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Hoseya 2:2

“Mumuhumullulle meenyu, mumuhumullulle vawi khe mwaaraka nave miyaano ngihiyottho mamune. Mumuhumullulle wi ahiye oraruwa, ezibwenzi ddaye addivenyihe vamirimani vaye.

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Ezekiele 16:30

Apwiya Mulluku enallota wi, “Murimaawo tti woofooka wunchichi ekaamba yawi vaweerani ddenndda wonanko mutthiyana ooraruwa oohiwulliwa muru.

Ezekiele 16:35

“Vano we mutthiyana ooraruwa, ngiiwa mawu a Apwiya.