Yeremiya 29:1 - Mawu a Mulluku

¹ Yeremiya aamurumiha kalata ovenyera o Yerusalemu oya wa oohoollella a wuukaporoni navettho allupa mukutho, anamallotella ni athu amodda attheene ayo Nebukadinezara aaphanreeye okaporo o Yerusalemu aayaana o Babiloni.

Yeremiya 29:1 ပူးပေါင်းရင်းမြစ်များ

Estere 9:20

Mordekai aalemba ddaweereyanndda munibukhuni nave aarumiha makalata wa Ayuda attheene ookhalla mu ezigawo ddittheddene dda mwene Ahasuwero, vakhuviru ni woorekama wene.

Aheberi 13:22

Kinimuuvekani, asinnaka ni arokoraka wi muwaakhelle phaama mawu oollipiha murimaalla vawi kuulembelleni moophadda.

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

2 Akorinto 7:8

Vawi naari kalataaka aari uuvorihalleni murima, miyaano nginoonavo ello wi kaamulemba. Kahoonavo ello va enthawi yeeyo koma ohiri ollello kaambiiwa uuvorihalleni murima va enthawi yooyeva.

Yeremiya 28:4

Kineeromuhokollosellattho wuno Yehoyakini mwaana a Yehoyakimu mwene a o Yuda vamodda ni akaporo attheene oovenyera o Yuda ayo yapharelliwe o Babiloni. Vawi kineerewinttaka nigoli nookaporo na mwene a o Babiloni. Mi Apwiya koollota.’ ”

Agalatiya 6:11

Ngoonani malemba muullupalli ayo kinalembeemi wa nyuwaano vano ni nnatta naka na meekhaaka!

2 Mamwene 24:12

Sika Yehoyakini mwene a o Yuda ni amennya, alangizaaye, enduna ddaye ni attekweene a o enyumbaaye yahiivelleella wa mwene a o Babiloni. Mwene a o Babiloni aamuphara Yehoyakini okaporo m'muyakha waneetthanu ni raru wa omwenaaye.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

Yeremiya 28:17

Nave namallotella Hananiya aakhwa muyakha yooyo, mweeri waneetthanu ni piilli.

Yeremiya 29:8

Apwiya Amasiva Mattheene, Mulluku a Israele, enallota wi, ‘Anamallotella ehuullekeni naari awoombesa ayo eri variyari vanyu nave muhiiwellelleke ddoolloha ddiwa.

Yeremiya 29:20

Attheenenyu ayo kawiikarelleemini wuukaporoni ovenyera o Yerusalemu oya o Babiloni mwiiwellelle mawu mi Apwiya.’

Yeremiya 51:61

Yeremiya aamulleella Seraya wi, “Waphiya o Babiloni, ohilephele weerenga mawu mattheenaalla vamiitthoni va athu.