Yeremiya 28:14 - Mawu a Mulluku

¹⁴ Apwiya Amasiva Mattheene, Mulluku a Israele, aallota wi kinaahiyemo nigoli namukoko munikohini mwa athu a mitundu ddittheddene wi emurumeyelleke Nebukadinezara, mwene a o Babiloni. Ddawoona, eneeromurumeyella nave kineeromuvaha olamulello naari va enama ddamuhakani.

Yeremiya 28:14 ပူးပေါင်းရင်းမြစ်များ

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Daniele 2:38

Aahiya m'mattani mwanyu athu, enama ni epallame wi mulamulelleke ddittheddenennddo orive weko ddinakhalliiwa. Muru wa golidoolle tti nyuwaano.

Yeremiya 40:4

Koma weyaano Yeremiya, ollello kinimuuttaphulla onyolo m'mattanimu. Hanko o Babiloni waarimi opaallaka nave kineerewuuwehera phaama. Koma waahipaallaka, kheviri ello. Ngoona, ellapo ettheene eri vamiitthoni vawo. Oye nko onooneewe wi tti waphaama.

Yeremiya 27:4

Waalleelle wi yallote wa mamweniiwa wi Apwiya Amasiva Mattheene, Mulluku a Israele enallota wi,

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Yeremiya 15:12

Khaavo muthu anaawore ophadda mukoko, mukoko woompoto woottakanyihera ni mukuwa.”

Yeremiya 27:8

“Koma orive mutundu wa athu apaalle erive ellapo yakhoota omurumeyella Nebukadinezara mwene a o Babiloni apaalle waakhullella nigoli naye, kineerewaallaka ni ekhoto, ettalla ni mullilli ophiyera kaavelleellille attheene m'mattani mwaye.

Maliro 1:14

“Ddoolakwa ddaka aaddimaka vamodda wi ddikhalle wonanko nigoli.* Aaddimaka ni mattiiwa nave aaddimakellella munikohini mwaka wi masivaaka emalle. Apwiya aakivelleella wa athu, ayo kihinaaworeemi ollipanana.”

Hoseya 10:11

Khalle Efuremu aari wonanko eng'ombe yoohuddihiwa phaama eyo yamuuputhesa tirigu. Vano mu nikohi niwa nooreera koohiyamo nigoli.* Kinapaalla wi Yuda atipuleke nave Yakobo apweseke mallokotomwa.