Yeremiya 27:6 - Mawu a Mulluku

⁶ Vano koovelleella ellapo ddittheddenenndda vamodda ni enama ddittheddene ddamuhakani wi ddimurumeyelleke Nebukadinezara murummwaaka, mwene a o Babiloni.

Yeremiya 27:6 ပူးပေါင်းရင်းမြစ်များ

Yeremiya 28:14

Apwiya Amasiva Mattheene, Mulluku a Israele, aallota wi kinaahiyemo nigoli namukoko munikohini mwa athu a mitundu ddittheddene wi emurumeyelleke Nebukadinezara, mwene a o Babiloni. Ddawoona, eneeromurumeyella nave kineeromuvaha olamulello naari va enama ddamuhakani.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 43:10

Vano waalleelle wi miyaano Apwiya Amasiva Mattheene, Mulluku a Israele, kineeromwiithana oorumeyellaaka Nebukadinezara, mwene a o Babiloni. Olliye aneerowuhiya mpandwaaye ni otthipella musasaaye va malluku eri mvaalla.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”

Yeremiya 22:25

Kineerewuuvelleella m'mattani mwa oopaalla owiipha, mwa ayo onawooveewe, Nebukadinezara mwene a o Babiloni ni athwaaye.

Yeremiya 49:30

“Nyu athu a o Hazori, thawani, akuvani nave ipitthani. Nebukadinezara, mwene a o Babiloni, ookhozeka wi awane ni nyuwaano.

Ezekiele 29:12

Iguputo aneerotthattuwa ntepe okhwaranya matepe a ellapo ddittheddene. Wa miyakha khumi mizinda ddayettho ddineerotthaadduwa okhwaranya ddimodda ddootthaadduwa. Kineerewaamwara Aiguputo variyari va mitundu ddimodda dda athu. Kineerewaapallallesella variyari va ellapo ddimodda.

Daniele 4:12

Makukhwiiwa yaari ooreera, ezipaso ddiwa ddaari ddinchichi nave ddaari ddookwakhwanella ellapo yavatthi ettheene. Enama ddamuhakani ddaanakhalla mu muuthuuchiiwa, epallame ddaanakhalla mu enthambi ddiwa nave ddoophatusiwa ddittheddene ddaanacha dda muteekhooyo.”

Daniele 4:22

Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.

2 Mamwene 25:28

Aallotana mweechifundo, amuvaha nipuro noolemu waakhwaranya mamwene mamodda mattheene aariiyena o Babiloni.

2 Epilli 36:23

“Nndda sika mwene Kirusi a o Persiya analloteeye wi, ‘Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda. Sika nyu attheene muri ayiwayiwa, Mullukwaanyu akhalle ni nyuwaano.’ ”

Ezekiele 30:24

Kineerollipiha matta a mwene a o Babulo nave kineerohiya m'mattani mwaye nsupada naka. Koma Farao kineeromwinttaka matta nave aneerewiipullella wonanko oophoriihiwa variyari va mwene a o Babulo.