Yeremiya 27:5 - Mawu a Mulluku

⁵ ‘Kaaphatusa ellapo yavatthi ni masivaaka ni ekophollo ddaka. Kahaaphatusa athu ni enama va ellapo yavatthi nave kinnayivelleella wa oyo kinamooneemi wi tti oophwanella.

Yeremiya 27:5 ပူးပေါင်းရင်းမြစ်များ

Yeremiya 51:15

Apwiya sika yaphatusalle ellapo yavatthi ni masiviiwa, yaapanga ddittheddene ni ezeru ddiwa, mweeruso yahaanddellella eddullu.

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Yesaya 45:12

Mi sika kaphatusalle ellapo yavatthi ni omuphatusa muthu wi akhallekemo. Kahaanddellella ddooddullu ni mattaaka, kinnalamulella ddittheddene ddooddullu.

Akolose 1:16

Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Yesaya 48:13

Mattaaka yaakeraatthiha matthipello a ellapo yavatthi, nnattanatta naka nahaanddellella oddullu. Kiithana ellapo yavatthi ni yooddullu, ddittheddenennddo ddinnatthukumana vamodda.

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Ezara 1:2

“Nndda sika mwene Kirusi a o Persiya analloteeye wi Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Masalimo 102:25

vawaamba valle mwaaphatusa ellapo yavatthi, ddooddullu tti mitteko dda mattaanyu.

Deuteronomo 32:8

Mvo Amasiva Mattheene akawenlleeye ezigawo mitundu ddimodda, mvo aamwallanihalleeye athu, ahaahiyera malire moollikana ni waata wa athu a Mulluku.

Deuteronomo 9:29

Koma athwaalla mwahaatthoolla wi ekhalle yoohallanaanyu sika mwahaakhumiha ni masivaanyu muullupalli nave ni ekophollo ddanyu mu Iguputo.”

Deuteronomo 5:16

“Waavaheke olemu attiittho ni amaayo moollikana ni mmo Apwiya Mullukwaawo yuulamulelliiwa wi enthawi ya okumaawo erekame ni wi ddiweetelleke phaama mu ellapo eyo kinuuvaheemi.

Deuteronomo 4:35

Apwiya yaawoonihani ddenndda wi nyuwaano mudduwelle wi Apwiyave sika Mulluku nave wi khaavottho mmodda.

Deuteronomo 4:32

“Ngakohani dda mallapo akhalle nyuwaano muhinayariwe waambeella nllapo nne Mulluku amuphatusalleeye muthu va ellapo yavatthi. Nave ngaashaashani va ellapo yavatthi ettheene vaarimi viri ello yuullupalli wonanko yeella yeereyillekevo va ellapo yavatthi apaalle aarimi arivo muthu oyo aambilleke wiiwa ddenndda.

Deuteronomo 4:25

“Naari mwakhalla mwiillaponimmo enthawi yoorekama ni waayara anamwani ni edduullu muhiwe muhollowa voopangani nifano na erive mooneyello ni weera ddoonanara vamiitthoni va Apwiya Mullukwaanyu nave sika ddineerewaashiha murima.

Deuteronomo 4:17

nifano na erive enama ya va ellapo yavatthi, na erive epallame ddamuddullu,

Deuteronomo 2:21

Athwaayo yaari amasiva ni anchichi nave yaarittho oorekama wonanko Aanaki. Komave Apwiya yaawoononga nave ellapwiiwa yahaakhiwa ni Aamoni ayo yakeraattheye wenko.

Deuteronomo 2:19

Nave mwaphiya vakhuviru ni ellapo ya Aamoni, edduullu dda Loti, muhaahoose apaalle owanana ekhoto vawi alliwaalla kohaavaha ellapwiiweeyo nave nguuvahani naari vang'ono.’

Deuteronomo 2:9

Apwiya yaallota ni miyaano wi, ‘Muhaahoose Amowabu, edduullu dda Loti apaalle owanana ekhoto vawi alliwaalla kohaavaha muzinda wa Ari nave nguuvahani ellapwiiweeyo naari vang'ono.’

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

Genesis 1:25

Sika Mulluku aaphatusa enama ddamuhakani, eziweto ni ddawaapadda, ddittheddenenndda moollikana ni mitundu ddiwa. Nave Mulluku ahoona wi nndda ddaari ddaphaama.

Masalimo 96:5

Milluku dda athu tti mafano koma Apwiya yaaphatusa ddamuddullu.

Yeremiya 27:4

Waalleelle wi yallote wa mamweniiwa wi Apwiya Amasiva Mattheene, Mulluku a Israele enallota wi,

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

1 Mamwene 8:42

Ddawoona athu eneerewiiwa dda nnddina nanyu noovuwa navettho nnatta nanyu namasiva ni naweera dduullupalli yawa ovekella mu enyumbeella,

Nehemiya 9:22

Mwahaavaha moomwene ni mitundu ddimodda dda athu mwaahiya mu ezigawo ddittheddene. Yahaakhattho ellapo ya Shihoni mwene a o Heshiboni ni ellapo ya Ogi mwene a o Bashani.

Daniele 2:38

Aahiya m'mattani mwanyu athu, enama ni epallame wi mulamulelleke ddittheddenennddo orive weko ddinakhalliiwa. Muru wa golidoolle tti nyuwaano.

Daniele 4:14

Yaakhuwa wi, “Uhani muteekhooyo ni ophadda enthambi ddiwa! Vakaresani makukhwiiwa ni opwaramwasa ezipaso ddiwa. Enama ddamuhakani ddithawe vamuuthuuchini viwa nave epallame va enthambi ddiwa.

Daniele 4:22

Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.