Yeremiya 27:3 - Mawu a Mulluku

³ Vano orumihe othenga wa mamwene a o Edomu, Mowabu, Amoni, Tiro ni Sidoni oyeella mwa amithenga ayo enawa o Yerusalemu wa Zedekiya, mwene a o Yuda.

Yeremiya 27:3 ပူးပေါင်းရင်းမြစ်များ

Amosi 1:9

Apwiya enallota wi, “Ekaamba ya ddoolakwa ddiraru dda Tiro apaalle ddisese, ngihiya omullaka, ngihiya omullaka. Yaawupharella wuukaporoni mutundu muttheene o Edomu, kheyaasungalle echipangano ya echibale yiiwananiiwa.

Ezekiele 29:18

“We mwaana a muthu, khalle Nebukadinezara mwene a o Babiloni aaphariha mutteko ekhoto voollipanani ni muzinda wa Tiro, ophiyera arive muthu aakhalla ni nttari nave yaaphinyuwa mathuri ekaamba yoomutukhulla katundu. Komathi olliye apaalle mullokwaaye wakhoto kheyaaphurallevo ello va mutteko muttheene yapharilliiwa voollipanani ni muzindooyo.

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

Yesaya 23:4

We Sidoni, muzinda wampanda o enyanja, wulliwa muru ekaamba ya enyanja yoollota wi, “Nginiiweke ovoreya wa oyara nave nginaallelleke anamwani aallopwana apaalle aatthiyana.”

Yeremiya 27:4

Waalleelle wi yallote wa mamweniiwa wi Apwiya Amasiva Mattheene, Mulluku a Israele enallota wi,

Yeremiya 27:12

Mawu amoddamoddave yaayo kaamulleellattho Zedekiya mwene a o Yuda wi, “Ivelleelleni o nigoli na mwene a o Babiloni ni omurumeyella olliye ni athwaaye wi muvulluse okumaanyu.

Yeremiya 28:1

Muyakheene yooyo, mweeri waneetthanu wa muyakha waneesese, vawaamba va omwene wa Zedekiya a o Yuda, Hananiya mwaana a Azuri namallotella a o Gibiyoni, aallota ni miyaano o enyumba ya Apwiya, allupa mukutho ni athu attheene yiiwaka wi,