Yeremiya 27:22 - Mawu a Mulluku

²² ‘Ddineerewaakhiwa oya o Babiloni nave ddineerokhalla wenko ophiyera nllapo nno kinaaddupuwelleemittho. Sika kineeroddikusa ni oddihokollosella o nipuro nenna. Mi Apwiya koollota.’ ”

Yeremiya 27:22 ပူးပေါင်းရင်းမြစ်များ

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Yeremiya 32:5

Zedekiya aneerophariwa oya o Babiloni nave aneerokhalla wenko ophiyera kimuupuwenlle. Naari awanena mwawiidde Ababilonaayo, khapambana.’ ”

Ezara 7:19

Eziwiya winyiweewenndda ddoorumeyellana o enyumba ya Mullukwaanyu, mwaddivelleelle wa Mulluku o Yerusalemu.

Ezara 1:11

Eziwiya ddagolide ni ddasiliva vamodda ddittheddene ddaakwakhwana 5,469. Ddittheddenenndda tti nnddo Sheshibazara awiilleeyena a okaporonaalle yahokollweelliiwa o Yerusalemu ovenyera o Babiloni.

Miyambo 21:30

Khaviri ezeru wiiwesesa apaalle malangizo owaapambana Apwiya.

Daniele 9:2

Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Yeremiya 34:5

koma onaakhwe mwamurendelle. Nave valle athu yooseewavo lubani* voovitthani maliro a makhollwaawo akhalle ayo yaari mamwene weyaano ohinavollowe omwene, vano weyaanottho voovitthani malirwaawo eneerowoosattho lubani. Voowiipellani nchipo namaliro eneereke wi, ‘Ddeethakaraka! Apwiihu aakhwa!’ Mi Apwiya koollota.”

Ezara 7:9

Vawi va nllapo nawaamba na mweeri wawaamba aavenyawo o Babiloni nave va nllapo nawaamba na mweeri waneetthanu aaphiya o Yerusalemu vawi nnatta naphaama na Mullukwaaye naari va olliye.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

2 Mamwene 25:13

Ababiloni yahinttaka mu enyumba ya Apwiya apoto, nibeseni namukuwa ni meto ddiwa ewukusella mukuwa muttheene o Babiloni.

Yeremiya 20:5

Eyuuma ettheene ya m'muzindanimmu, mphuro muttheene wa muttekwiiwa, ddeko ddittheddene ddoowallamella mutengo ni eyuuma ya mamwene a o Yuda ddineerovelleelliwa wa adaniiwa. Alliwa eneerewaakha ddennddo ni oddiyaana o Babiloni.

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yeremiya 27:21

“Ddawoona, alla sika mawu a Apwiya Amasiva Mattheene oollota dda eziwiya nnddo ddahanlle mu enyumba ya Apwiya ni mu enyumba yoomwene ya o Yerusalemu awi,

Yeremiya 34:2

Apwiya Mulluku a Israele, yaamulleella Yeremiya wi, “Khawe wamulleelle Zedekiya mwene a o Yuda wi Apwiya enallota wi muzindoolla kineerowuvelleella wa mwene a o Babiloni nave aneerowoosa.

Yeremiya 34:3

Ddawoona, weyaano khovulluwa m'mattani mwaye vawi oneerophariwa nave oneerovelleelliwa wa olliye. Oneeromoona vamiitthoni ni vamiitthoni nave oneerollotana ni oyiiwana o Babiloni.