Yeremiya 27:20 - Mawu a Mulluku

²⁰ Ddenndda Nebukadinezara mwene a o Babiloni khaaddaakhille va enthawi amuphareeye okaporo Yehoyakini mwaana a Yehoyakimu mwene a o Yuda ovenyera o Yerusalemu oya o Babiloni ni enduna dda o Yuda ni o Yerusalemu.

Yeremiya 27:20 ပူးပေါင်းရင်းမြစ်များ

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

2 Epilli 36:18

Nave eziwiya ddittheddene dduullupalli ni dding'onong'ono ni eyuuma ya enyumba ya Mulluku ni eyuuma ya mwene ni ya enduna ddiwa, ddittheddenenndda aawaana o Babiloni.

Mateyu 1:11

Yosiya aamuyara Yekoniya ni asinne enthawi eyo a Israele yaphariwiiwa oya mu ellapo ya Babiloni.

Mateyu 1:12

Athwaalle ewiillewo o Babiloni, Yekoniya aamuyara Shalatiele; Shalatiele aamuyara Zerubabele;

Mateyu 1:17

Sika waari mibado khumi ni misese waambeella va Abrahamu ophiyera va Davide navettho mibado khumi ni misese waambeella va Davide ophiyera enthawi yaphariwiiwa oya o Babiloni navettho mibado khumi ni misese waambeella enthawi yeeyo ophiyera oyariwa wa Mesiya.

2 Mamwene 24:12

Sika Yehoyakini mwene a o Yuda ni amennya, alangizaaye, enduna ddaye ni attekweene a o enyumbaaye yahiivelleella wa mwene a o Babiloni. Mwene a o Babiloni aamuphara Yehoyakini okaporo m'muyakha waneetthanu ni raru wa omwenaaye.

Yesaya 34:12

Variyari va enduna khaviphwanyeya oovollowa omwene nave oohoollella attheene khekhalla ni mutteko.

Yeremiya 27:21

“Ddawoona, alla sika mawu a Apwiya Amasiva Mattheene oollota dda eziwiya nnddo ddahanlle mu enyumba ya Apwiya ni mu enyumba yoomwene ya o Yerusalemu awi,

Yeremiya 29:2

Nndda ddeereyille mvo Yehoyakini ni mwene aamutthiyana, enduna dda o enyumba yoomwene ni oohoollella a o Yuda ni a o Yerusalemu navettho athu attheene eeruso yavenyilliiwawo Yerusalemu.

Yeremiya 35:1

Va enthawi eyo Yehoyakimu mwaana a Yosiya aariiye mwene a o Yuda, mawu a Apwiya yaawa wa Yeremiya wi,

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.