Yeremiya 27:19 - Mawu a Mulluku

¹⁹ Apwiya Amasiva Mattheene sika enallota dda apoto, nibeseni namukuwa, meto ddiwa ni eziwiya ddittheddene nnddo ddahanlle m'muzindanimmu.

Yeremiya 27:19 ပူးပေါင်းရင်းမြစ်များ

2 Mamwene 25:13

Ababiloni yahinttaka mu enyumba ya Apwiya apoto, nibeseni namukuwa ni meto ddiwa ewukusella mukuwa muttheene o Babiloni.

2 Mamwene 25:17

Arive opoto arekamme mamita matthanu ni mararu nave awaapheella mamita matthanu ni hafu. Aakhalla ni mulliha muwari, ahiitivalla eyaalla ddisese. Aakhalla ni muru wamukuwa woorekama mamita meelli, wawaapheelliwa ni ddooreeriha dda ezipaso ddamakangaza.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

1 Mamwene 7:23

Vatulli viwa aapanga ethanki yamukuwa yanamurukunuwa nave aayiromolla wi enyanja. Owanoni wiwa waari wooramballalla mamita masese ni hafu. Owallamella wiwa waari wookhwaranya mamita meelli nave waapheella wa owanoninko waari wa mamita khumi ni mararu ni hafu.

1 Mamwene 7:27

Hiramu ahoopattho meto ddamukuwa khumi. Orive mweto waari woorekama vakhuviru mamita meelli, wooramballalla vakhuviru mamita meelli ni wooya muddullu nimita nimodda.

2 Epilli 36:18

Nave eziwiya ddittheddene dduullupalli ni dding'onong'ono ni eyuuma ya enyumba ya Mulluku ni eyuuma ya mwene ni ya enduna ddiwa, ddittheddenenndda aawaana o Babiloni.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.