Yeremiya 27:15 - Mawu a Mulluku

¹⁵ Khe miyaano kaarumalle naari ellotellaka mu nnddina naka. Sika kineerowiikarani nave muneerewoonongeya nyuwaano ni anamallotellaanyu.”

Yeremiya 27:15 ပူးပေါင်းရင်းမြစ်များ

Yeremiya 27:10

Ennawoottotthani, adanaanyu eneerewuuvenyihani mwiillaponi mwanyu, wuuyaanani woorekama. Kineerowiikarihani nave muneerewoonongeya.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Yeremiya 29:9

Alliwa enuulleellani ddawoottha mu nnddina naka naari kihaarumalle. Mi Apwiya Amasiva Mattheene koollota.’

Yeremiya 23:21

Apwiya yaallota wi, “Anamallotella yaalla kaarumalle khe miyaano komave yaanathamaka nngu ni nngu enallotella wonanko kahaaruma.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 20:6

Nave we Pashuri ni attheene a munibanjani nawo eneerewuupharanittho okaporo wuuyaanani o Babiloni. Munaakhwelle ni ovitthiwa wenko, weyaano ni akhwaawo ayo waallotelleewe ddawoottha.’ ”

Yeremiya 23:25

Kohiiwa ddoollota dda anamallotella mmo enallotelliiwa ddawoottha mu nnddina naka enakhuwa wi, ‘Koolloha, koolloha!’

Yeremiya 29:8

Apwiya Amasiva Mattheene, Mulluku a Israele, enallota wi, ‘Anamallotella ehuullekeni naari awoombesa ayo eri variyari vanyu nave muhiiwellelleke ddoolloha ddiwa.

Yeremiya 14:14

Koma Apwiya yaakaakhulla wi, “Ddawi anamallotellaayo ennallotella mu nnddina naka tti ddawoottha. Ngaatthoollille apaalle waaruma apaalle ollota ni alliwaayo. Alliwa enallotella ddawoottha nnddo eneeriiwa eddoonille m'masomphenya. Enoombesa mwawoottha, nnddo enallotiiwa tti dda m'muruni mwiwa.

Yeremiya 38:22

atthiyana attheene oohalla mu enyumba yoomwene a o Yuda eneerovelleelliwa wa enduna dda mwene a o Babiloni. Vooyaani o Babiloni, atthiyanaayo eneerekewiipa nchipo nawi, ‘Akhwaawo oororomelleya yahuulleka ni wuugonjiha, meto ddawo ddootora m'matokwini, akhwaawo aahokollweella mutulli.’ ”