Yeremiya 27:12 - Mawu a Mulluku

¹² Mawu amoddamoddave yaayo kaamulleellattho Zedekiya mwene a o Yuda wi, “Ivelleelleni o nigoli na mwene a o Babiloni ni omurumeyella olliye ni athwaaye wi muvulluse okumaanyu.

Yeremiya 27:12 ပူးပေါင်းရင်းမြစ်များ

Yeremiya 38:17

Vano Yeremiya aamulleella Zedekiya wi, “Apwiya Amasiva Mattheene, Mulluku a Israele, eni, ‘Mwiivelleella wa enduna dda mwene a o Babiloni muneerokhalla ni okumi nave muzindoolla khewuhella munllo navettho nyu ni nibanja nanyu muneerokhalla ni okumi.

Yeremiya 28:1

Muyakheene yooyo, mweeri waneetthanu wa muyakha waneesese, vawaamba va omwene wa Zedekiya a o Yuda, Hananiya mwaana a Azuri namallotella a o Gibiyoni, aallota ni miyaano o enyumba ya Apwiya, allupa mukutho ni athu attheene yiiwaka wi,

Yeremiya 27:8

“Koma orive mutundu wa athu apaalle erive ellapo yakhoota omurumeyella Nebukadinezara mwene a o Babiloni apaalle waakhullella nigoli naye, kineerewaallaka ni ekhoto, ettalla ni mullilli ophiyera kaavelleellille attheene m'mattani mwaye.

Miyambo 1:33

Koma oyo anakiiwellella aneeroteteziwa, aneerokhalla mwamurendelle nave khoovaka erive ello.”

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yeremiya 28:2

“Apwiya Amasiva Mattheene, Mulluku a Israele, anallota wi, ‘Kineerewinttaka nigoli* nookaporo na mwene a o Babiloni.

Yeremiya 42:11

Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Yeremiya 21:9

Arive muthu oohalla mu muzindoolla aneerokhwa ni ekhoto, ettalla apaalle mullilli. Koma arive muthu aniivelleelle wa Ababiloni ayo ewaaphenlleni ni misasa ddakhoto aneerokhalla ni okumi vawi aneerovulluwa.