Yeremiya 26:9 - Mawu a Mulluku

⁹ Kaambiiwa tini ollotenlleewe mu nnddina na Apwiya wi enyumba ella eneerewoonongiwa wonanko Shilo ni wi muzindoolla oneerotthattuwa ntepe, moohikhalla athu?” Sika athu attheene yaatthukumana emwaapheella Yeremiya mu enyumba ya Apwiya.

Yeremiya 26:9 ပူးပေါင်းရင်းမြစ်များ

Mitteko 22:22

Athwaalle yamwiiwelliiwa Paulo, yaamwiiwella ophiyera allotilleeye yeella. Vano yahaamba okhuwa ni mawu oowella wi, “Muthu yoolla khanapaalleya wi akhalle mukumi va ellapo yavatthi! Iiphiwe!”

Mitteko 21:30

M'muzindani mutthemwene mulle mwaahaanganyereya nave athu attheene vamodda yaathamaka yamphara Paulo nave emupurullella otte wa enyumba ya Mulluku nave enthawi yeeyo millako ddaawalliwa.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 6:14

Naamwiiwa allotaka wi Yesu a o Nazareti aneerokumulla enyumba ya Mulluku navettho aneerowaakakhaniha malamulo mattheene a makhollwaahu ayo Mose aavahilleeye makhollwaahu!”

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Yohane 8:59

Vano yaatota malluku wi emuvokhe Yesu. Koma Yesu ahiipittha yeekhaaye nave akhumamo mu enyumba ya Mullukweelle.

Yohane 8:20

Yesu aallotille nndda ahuddiheeye mu enyumba ya Mulluku vakhuviru ni moosungellamo ddoovelleella. Nave khaavo muthu amphanre kaambiiwa enthawaaye yaari ehinaphiye.

Mariko 15:11

Koma allupa mukutho uullupallaayo yaahaattusha waawatihera athu attheenaayo wi emveke Pilato aattaphullelle Baraba.

Mateyu 27:20

Koma allupa mukutho uullupalli ni attekweene a Ayuda yahaakopa athwaalle wi emuveke Pilato amuttaphulle Baraba nave Yesu iiphiwe.

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Mika 2:6

“Athu enakilleella wi, ‘Muhinillalleyelle, muthu ahinillalleyelle ddenndda vawi khaniwa niwulliwa muru.

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yesaya 29:21

Mulluku aneerewaallaka awoottha, oovirikaniha echiweruzo yawoona ni oovelleella omboni wawoottha wi oohilakwa yeeruziwe moohilungama.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Mitteko 3:11

Muthooyo aaphareelleeye Petro ni Yohane mu nikhote nooromolliwa wi Nikhote na Solomoni, athu attheene yaathamakellawo moottikhina.

Mitteko 5:12

Amurummwa yaheera ezizindikiro ddinchichi ni ddoottikhiniha ddinchichi variyari va athu. Ookhulupilila attheene yaanatthukumana vamodda ni murimiiwa muttheene moowiiwanana mu Nikhote na Solomoni mu enyumba ya Mulluku.

Yoswa 18:1

Aisraele attheene yaatthukumana o Shilo emakawo musasa wamutthukumano nave ellapo yahaagonjella.

Yeremiya 32:3

Zedekiya mwene a o Yuda sika amuwallenlle mwemmo. Mwenooyo aamukoha Yeremiya wi, “Ethiyo kaambiiwa tini onallotelleewe ddawi Apwiya enallota wi, ‘Muzindoolla kineerowuvelleella wa mwene a o Babiloni nave aneerowaakha.

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,

Yeremiya 36:29

Vano omulleelle mwene Yehoyakimu a o Yuda wi, Apwiya enallota wi wahoosa nibukhunne voollotani wi, ‘Kaambiiwa tini olembilleewe wi mwene a o Babiloni aneerewoononga ellapweella, athu ni enama ddene?’

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.