Yeremiya 26:24 - Mawu a Mulluku

²⁴ Koma Ahikamu mwaana a Shafani aamwaakihera Yeremiya sika khaavelleelliwe wi iiphiwe.

Yeremiya 26:24 ပူးပေါင်းရင်းမြစ်များ

Yeremiya 39:14

Nave yaamukusawo Yeremiya o nthato na alonda emuvelleella wa Gedaliya mwaana a Ahikamu, edduullu ya Shafani wi amuttaphulle ni omurumiha owaniwa. Sika Yeremiya aakhalla va abalaaye.

1 Mamwene 18:4

Nave mvo Yezebele awiiphaaye anamallotella a Apwiya, Obadiya aawiipitthiha anamallotella 100, 50 mu nikhungunna nave 50 mu nikhungunna aanaavaha yoocha ni maaddi wenko.

Yawuupullulla 12:16

Nave ellapo yavatthi yaamukavihera mutthiyanooyo voohullani owanoni wiwa emirya maaddi mattheene yakhumalle muwano mwa enowa yuullupalleelle.

Mitteko 27:43

Koma akhoto muullupalloolle apaalla amuvulluse Paulo, sika ahaahiiha wi eheere ddiiddo. Vano ahalamulella ayo yadduwella osambila wi elluphelle m'maaddinimmo wi yaphiye omutundaninko mwawaamba.

Mitteko 23:10

Nave owananko wahunnuwa wawi oolamulelloolle ahoova wi Paulo aneerewiiphiwa moowaakanelliwa. Sika ahalamulella akhotwaaye wi eye yamuvenyihevo vamullokonimvo wi eweena onipuroni wiwa.

2 Epilli 34:20

Vano mwene ahaalamula Hilikiya, Ahikamu mwaana a Shafani, Abidoni mwaana a Mika, Shafani namalembella ni Asaiya oorumeyella a mwene wi,

2 Mamwene 25:22

Nebukadinezara mwene a o Babiloni aamutthoolla Gedaliya, mwaana a Ahikamu, mwaana a Shafani, wi akhalle oolamulella a athu oohalla ayo olliye aahiyalleeye o Yuda.

Yeremiya 29:3

Yeremiya amwinyenre kalatooyo Elasa mwaana a Shafani ni Gemariya mwaana a Hilikiya ayo Zedekiya mwene a o Yuda aarumalleeye o Babiloni wa mwene Nebukadinezara. Mukalatanimmo alembillemo wi,

Yeremiya 36:10

Vano attheene evollowille mu enyumba ya Apwiya, Baruki aheerenga mawu a Apwiya oolembiwa munibukhuninne athu attheene yiiwaka. Aheerenga mu echipinda ya Gemariya mwaana a namalembella Shafani eyo yaari mu nthato navaddullu, vakhuviru ni Mullako Wanaanweene woovollowella o enyumba ya Apwiya.

Yeremiya 36:11

Mikaya mwaana a Gemariya, mwaana a Shafani, iiwalleeye mawu mattheene a Apwiya oolembiwa munibukhuninne,

Yeremiya 36:12

aaya o enyumba yoomwene, avollowa mu echipinda ya namalembella. Enduna ddittheddene ddaari dditthukumanne mwemmo. Namalembella Elishama, Delaya mwaana a Shemaya, Elinatani mwaana Akibori, Gemariya mwaana a Shafani, Zedekiya mwaana a Hananiya vamodda ni enduna ddimodda ddittheddene.

Yeremiya 36:19

Sika yaamulleella wi, “We ni Yeremiya mwiipitthe, vihikhalle muthu oodduwella nko muriinyu.”

Yeremiya 36:26

Vano mwene aamulamula Yerahamele mwaana a mwene, Seraya mwaana a Aziriele ni Shelemiya mwaana a Abideele wi yamphare namalembella Baruki ni namallotella Yeremiya. Koma Apwiya yaawiipittiha.

Ezekiele 8:11

Attekweene a Aisraele 70 yaari yiimenlle vaavo. Yazaniya, mwaana a Shafani aari vaavo. Arive muthu aakhalla ni yoothuwihella mwiisi wa lubani* m'mattani mwaye nave nthuko naphaama wa lubani naaniiweya.