Yeremiya 26:21 - Mawu a Mulluku

²¹ Mwene Yehoyakimu ni oohoollellaaye attheene navettho akhotwaaye yiiwalle allotilleeyennddo yapaalla omwiipha. Uriya iiwalleeye ahoova nave aathawella o Iguputo.

Yeremiya 26:21 ပူးပေါင်းရင်းမြစ်များ

Mateyu 10:23

Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Mateyu 14:5

Sika Herode aanapaalla omwiipha Yohanooyo koma awoova athu kaambiiwa alliwaayo yamweera namallotella.

Yeremiya 36:26

Vano mwene aamulamula Yerahamele mwaana a mwene, Seraya mwaana a Aziriele ni Shelemiya mwaana a Abideele wi yamphare namalembella Baruki ni namallotella Yeremiya. Koma Apwiya yaawiipittiha.

2 Epilli 16:10

Vaavo Asa aamushella murima oollohellooyo nave aamumaka amuhiya mundende. Nave enthawi yeeyo Asa ahaahoosa athu amoddattho.

Mariko 6:19

Sika Herodiyasi aamwiita Yohane nave aapaalla omwiipha koma khaari ni mpata woweerella ddenndda.

Mateyu 10:39

Oyo anapaalla ovullusa okumaaye eneerowutathilla koma oyo anatathilla okumaaye kaambiiwa tti oohudderaaka eneerowuvullusa.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Miyambo 29:25

Omoova muthu tti wonanko wiireya musampha koma oyo anaaroromella Apwiya aneerovulluwa.

Masalimo 119:109

Okumaaka ori mu ddawoopiha enthawi ettheene komave nginatiwalla malamulwaanyu.

2 Epilli 24:21

Koma yaamweerella echiwembu nave mwene aalamula wi avokhiwe malluku mu nthato na enyumba ya Apwiya.

Yeremiya 26:10

Oohoollella a o Yuda yiiwalle ddeereyillennddo, yaatimulla ovenyera o enyumba yoomwene oya o enyumba ya Apwiya yakeraatthi va nipuro niwa o Mullako Wanaanweene wa enyumba ya Apwiya.

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

1 Mamwene 18:10

Kinimallupella vamiitthoni va Apwiya Mullukwaanyu ookumi wi khawiiwo mutundu apaalle omwene nko apwiyaaka Ahabu yahaarumalliiwawo athu oowaashaashani. Athu yaalleella wi, ‘Eliya khaawo wuno,’ Ahabu aanaallupelliha wi esimikizelle wi nyuwaano khamwaariwo wenko.