Yeremiya 26:2 - Mawu a Mulluku

² “Khawe wiimelle mu nthato na enyumba ya Apwiya nave wallote wa athu attheene ookhalla m'mizindani dda o Yuda ayo enallapella onyumbani ddittheddene nnddo kuulamunleemi wi wallote oohihiyavo ello.

Yeremiya 26:2 ပူးပေါင်းရင်းမြစ်များ

Deuteronomo 4:2

Muhoonjererevo erive ello va nnddo kinuulamulelleemini nave ovukullavo erive ello. Mwiiwellelleke malamulo a Apwiya Mullukwaahu ayo kinuulleelleemini.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yeremiya 19:14

Vano Yeremiya aawaawo o Tofeti nko Apwiya yamurumalliiwa wi allotelle nave ahiimella munthatoni na enyumba ya Apwiya nave ahaalleella athu attheene wi,

Yeremiya 1:17

Koma we Yeremiya, okhozeke nave oye waalleelle erive ello kuulamulelleemi. Ohiwoove alliwa wi kihuutthattuse awoova vamiitthoni viwa.

Mitteko 20:20

Munnadduwella wi ngaawiipitthihalle ello yawi yaawerowukaviherani kallalleyeemi ni ohuddiha vamiitthoni va athu ni m'mampa mwanyu.

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Yohane 18:20

Yesu ahaakhulla wi, “Mi kaanallota moohikhuwa wa arive muthu. Kaanaahuddiha wiilliwiilli ddittheddene mu enyumba ddamavekello* ni mu enyumba ya Mulluku nko watthukumana Ayuda attheene. Ngaallotillevo erive ello mookhuwa.

Ezekiele 3:10

Mulluku aavirellella ollota wi, “We mwaana muthu, apella maaru ddittheddene kinuulleelleemi nave oddisungeke m'murimani mwawo.

Yeremiya 36:10

Vano attheene evollowille mu enyumba ya Apwiya, Baruki aheerenga mawu a Apwiya oolembiwa munibukhuninne athu attheene yiiwaka. Aheerenga mu echipinda ya Gemariya mwaana a namalembella Shafani eyo yaari mu nthato navaddullu, vakhuviru ni Mullako Wanaanweene woovollowella o enyumba ya Apwiya.

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Yeremiya 7:2

“Imella va mullako wa enyumba ya Apwiya nave llalleya mawu a Apwiya wa athu attheene a o Yuda ayo enavollowa va mullako wi yaallapelle Apwiya.

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Yawuupullulla 22:19

Muthu avenyihavo ello va mawu oollotelliwa mu nibukhunna, Mulluku aneeromuvenyiherawo embali emodda ya ezipaso ddaye dda muteekho wa okumi ni nipuro naye mu Muzinda Waweella, nnddo ddilembiwe mu nibukhunna.

Mitteko 5:25

Vano muthu mmodda aavollowa nave allota wi, “Ngiiwani! Athu mwaahiyalleenyu mundendaalle eri mu enyumba ya Mulluku, enaahuddiha athu!”

Yohane 8:2

Osaka wene ohinase aahokollweella o enyumba ya Mulluku. Athu attheene yaatthukumana moomwaapheella nave akeraatthi aamba waahuddiha.

Luka 19:47

Nllapo ni nllapo Yesu aanahuddiha mu enyumba ya Mulluku. Nave allupa mukutho uullupalli, ahuddihi a malamulo* ni attekweene a Ayuda* yaanaashaasha ettilla yoomwiiphella.

Yeremiya 42:4

Sika namallotella Yeremiya ahaalleella wi, “Kohiiwa nnddo mullotilleenyu, kineerovekella wa Apwiya Mullukwaanyu wonanko munapaallelleenyu. Nave ddittheddene Apwiya enaallotiiwa kineerewuulleellani, nguukhuwellani erive ello.”

Deuteronomo 12:5

Apwiya eneerotthoolla nipuro nimodda mwiillaponi mwanyu wi ekeraatthihemo nnddina niwa nave athu attheene eneerekollapella va nipuro nenno. Wenko muneeroyaawo

Yeremiya 7:27

“Sika we Yeremiya naari waalleelleve mwawiidde ddenndda khewiiwellella. Naari owiithaneve mwawiidde khewaakhulla.

Ezekiele 33:7

“Koma we mwaana a muthu, kohuutthoolla wi okhalle mulonda a Aisraele. Wiiwa mawaaka waachenjeze.

Ezekiele 40:4

Muthooyo aakilleella wi, “We mwaana a muthu, wehesesa nave apella maaru phaama. Ohiyevo murima va ddittheddene kinaawoonihelleemi vawi yeella sika ekaambiiwa kuuwiihelleemi wuno. Vano waatthopoollelle Aisraele ddittheddene nnddo kinuulleelleemi nave onooneewe.”

Yoswa 8:35

Yoswa aheerenga nirive lamulo na Mose wa Aisraele attheene ayo yatthukumanne. Atthiyana ni anamwani ni alleto ayo yaari variyari viwa yaari vaavo.

Yeremiya 1:7

Koma Apwiya yaakaakhulla wi, “Ohillote wi, ‘Mi kiri mwaana.’ Vawi ddawoona, oneeroya wa athu attheene nko kinuurumeemiwo nave oneerollota erive ello kinuulamuleemi.

Yeremiya 25:2

Namallotella Yeremiya ahaalleella athu attheene a o Yuda ni a o Yerusalemu wi,

Yeremiya 28:5

Vano namallotella Yeremiya aamwaakhulla namallotella Hananiya, allupa mukutho ni athu attheene ayo yaari mu enyumba ya Apwiya yiiwaka wi,