Yeremiya 26:19 - Mawu a Mulluku

¹⁹ Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Yeremiya 26:19 ပူးပေါင်းရင်းမြစ်များ

2 Samuele 24:16

Vano mungelo attaphurusalleeye mattaaye wi oononge muzinda wa Yerusalemu, Apwiya yaakhurumusa murima va ollakanko emulleella mungelwaaye oyo awoononga athoolle wi, “Wookwakhwana, hokollosa nnatta nawo.” Nave mungelo a Apwiya aari iimenlle va nipuro noomuuputhellavo tirigu na Arauna Muyebusi.

Eksodo 32:14

Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.

Mitteko 5:39

Koma eneereewanndda ddakhalla ddoovenyera wa Mulluku, khamuwora waahiiha. Muneerewoona nyookha wi munallipana ni Mulluku!” Athu a va nthato na millatwaayo yaakopiwa ni Gamaliyelooyo.

Yesaya 37:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Yesaya 37:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Habakuku 2:10

Woowulliha muru nibanja nawo vawaatthollosani athu anchichi, woonanariha okumaawo.

Yeremiya 44:7

“Sika vano Apwiya Amasiva Mattheene, Mulluku a Israele, enakoha munaddoonongella tini mwawi ddiidda? Kaambiiwa tini munaasheenyu owiiphiha Ayuda aallopwana ni aatthiyana, anamwani ni ooyariwa wene, oohuuhiyerani naari mmodda va nlloko nanyu?

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

Yeremiya 26:3

Apaalle ttuuwiiwellella nave arive muthu ttuuhiya machimwaaye wi kihaallake moollikana ni mmo kaganizelleemi ekaamba ya ddoonanara ddiwa.

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

2 Epilli 34:21

“Khaweni mwaakohe Apwiya munipuroni mwaka ni mwa athu oohalla o Israele ni o Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

2 Epilli 32:20

Vano mwene Hezekiya ni namallotella Yesaya mwaana a Amozi yaavekella ekaamba ya yeella nave yaakhuwella oddullu.

Numeri 16:38

Ddoothuwihella mwiisi dda athu alle yiiphiwe ekaamba ya ochimwa wiwa tti ddaweella vawi ddaavelleelliwa vamiitthoni va Apwiya. Sika ddoothuwihella mwiisinnddo eddihane wi ddikhalle yookhuneellana vanikuwani. Vano ddineerokhalla echizindikiro wa Aisraele attheene.”

Amosi 7:3

Vano Apwiya yaamoriwa ethakaraka ellota wi, “Ddenndda khaddiwa ddeereya.”

Zekariya 7:2

Athu a o Beteli yaari emurumalle Sharezere ni Regemumeleki vamodda ni athwiiwa wi yaveke echifundo wa Apwiya.