Yeremiya 26:18 - Mawu a Mulluku

¹⁸ “Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 26:18 ပူးပေါင်းရင်းမြစ်များ

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Mika 1:1

Va enthawi ya Yotamu, Ahazi ni Hezekiya mamwene a o Yuda, mawu a Apwiya yaawa wa Mika a o Moresheti mu masomphenya dda Samariya ni Yerusalemu.

Nehemiya 4:2

Nave aallota vamiitthoni va abalaaye ni vamiitthoni va mulloko wakhoto wa o Samariya wi, “Ethiyo Ayuda oohikhalla ni muttekwaalla eneeravo tini? Ethiyo enaganiza wi ttuumakattho muzindoolla? Ethiyo ttuuvelleellattho mikutho? Ethiyo ttuumalliha nllapo nimodda? Ethiyo ttuuvenyihattho malluku akhalle m'matepeni ayo eshille?”

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Yeremiya 17:3

Eyuumaanyu ni katundwaanyu muttheene kineeroddivelleella wa awaakha wi okhalle olliva wa machimwaanyu aweereya mwiillaponi mwanyu mutthemwene.

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Masalimo 79:1

Nyu Mulluku, athu a mitundu ddimodda aavollweella mu yoohallanaanyu, aaripiha enyumbaanyu yaweella aamutthattusa Yerusalemu ntepe.

Yeremiya 51:37

Sika Babiloni aneerotthattuwa ntepe, nipuro na akhuddupa, nipuro nawoopiha ni nipuro noosoonyiha, noohikhalliwa ni arive muthu.

2 Mamwene 19:25

Koma mi Apwiya kinallota wi, ‘Ethiyo khoniiwekevo wi ddenndda kaaddisimikiza khalleve? Kaaddisimikiza mallapo akhallekhalle nave kineeroddeera ddenndda. Mi kahaakhullella wi waakumulla mizinda ddamipanda ni odditthattusa ntepe.

2 Epilli 32:26

Koma Hezekiya ahiiyeviha ahiya wiitukhulla olliye ni athu ayo yakhalla mu Yerusalemu mwawi osha murima wa Apwiya khewaamorelle mu mallapo a Hezekiya.

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,